Шууд Chart

“Ногоон сум” аян МҮОНРТ-д үргэлжилж байна

2022-05-23 12:01:31

Монголын хувьцаат компаниудын хувьцаа анхны нэрлэсэн үнээс 2-3 дахин өссөн. Энэ өсөлтөөс зөвхөн мэдээлэлд ойр хүмүүс л ашиг хүртжээ. Тэгвэл МҮОНРТ-ийн “Ногоон сум” аяны гол зорилго нь хөрөнгийн зах зээлийн талаарх ойлголтыг олон нийтэд түгээх бөгөөд тус аянд Санхүүгийн зохицуулах хороо, Монголын хөрөнгийн бирж, Үнэт цаасны арилжаа эрхлэгчдийн холбоо, Үнэт цаасны төвлөрсөн хадгаламжийн төв, Төрийн банк, Хаан банк зэрэг Монгол Улсын топ брокер дилерийн төв, банк оролцож байгаа билээ. Эх орны өнцөг булан бүрт суугаа малчид, орон нутгийн иргэд, гэрийн эзэгтэй, тэтгэврийн ахмад хэн бүхний өмнө нээлттэй зах зээлээс ашиг хүртэх боломжийг энэхүү аянаар нээж байгаа юм.

1990-ээд оны хувьчлалаар хөрөнгийн зах зээл гэх ойлголт бий болж, 475 объектыг 1.1 сая иргэнд цэнхэр, ягаан тасалбар болгон олгож байсан. Тухайн үед дийлэнх иргэн хувьцааны талаар мэдлэг муу байсны улмаас бүрэн ашиглаж чадаагүй. Тэгвэл “Ногоон сум” арга хэмжээнд оролцсоноор иргэд өөрийнхөө болон аав, ээжийнхээ цэнхэр, ягаан тасалбарыг аль байгууллагад хувьцаа хэлбэрээр хадгалагдаж байгааг шалгуулах, банкyудын хувьцааг худалдан авах боломжтой. Түүнчлэн хөрөнгийн зах зээл буюу хувьцаа авах үйл ажиллагаанд заавал их хэмжээний хөрөнгө мөнгөтэй, санхүүгийн арвин мэдлэгтэй хүн оролцох бус цалингаасаа гадна нэмэлт орлоготой болохыг хүссэн хүн бүр оролцож, сонгосон компанийнхаа хөрөнгө оруулагч болсноор ногдол ашиг хүртэх юм.

Ташрамд дуулгахад, МҮОНРТ-ийн “Ногоон сум” аяны аяны баг хамт олон Өвөрхангай, Архангай аймаг, Улаанбаатар хот, Дархан-Уул, Орхон аймагт иргэдэд хөрөнгийн зах зээлийн талаар цогц мэдээллийг хүргэсэн. Харин “Ногоон сум” өнөөдөр МҮОНРТ-д ажиллаж Монголын болон олон улсын хөрөнгийн зах зээлийн арилжаанд оролцох боломжийн талаар сонирхолтой илтгэлүүд танилцуулж, Үнэт цаасны төвлөрсөн хадгаламжийн төвд данстай эсэхийг шалгах, үнэт цаасны компаниудад үнэ төлбөргүй данс нээх үйлчилгээг үзүүлж байна.

Нийтэлсэн: Т.Болор-Эрдэнэ

“Ногоон сум” аян МҮОНРТ-д үргэлжилж байна  
Үзсэн: 829 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй