Шууд Chart

Зүүн Хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын VII бага хурал эхлэв

2022-06-23 13:26:35

Зүүн Хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын 7 дугаар бага хурал өнөөдөр буюу 6 дугаар сарын 23-ны өдөр эхэллээ.

Гадаад харилцааны сайд Б.Батцэцэг тус бага хурлыг нээж хэлсэн үгэндээ Монгол Улс энхийг эрхэмлэсэн, нээлттэй, олон тулгуурт гадаад бодлогоо тууштай баримтлан, дэлхийн болон бүс нутгийн энх тайван, аюулгүй байдлыг бэхжүүлэхэд хувь нэмрээ оруулахыг зорьж ирснийг онцолж, энэ үүднээс 2013 онд “Улаанбаатарын яриа хэлэлцээ” санаачилгыг дэвшүүлэн, 2014-2019 онд Зүүн хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын бага хурлыг 6 удаа зохион байгуулсныг тэмдэглэв.

Тэрбээр .

Нээлтийн хуралдаанд уг бага хурлыг хамтран зохион байгуулагч Үндэсний аюулгүй байдлын зөвлөлийн дэргэдэх Стратегийн судалгааны хүрээлэнгийн захирал Б.Даваадорж үг хэлж, НҮБ-ын Ерөнхий нарийн бичгийн даргын орлогч Р.ДиКарло видео мэндчилгээ дэвшүүлэв.

Хоёр өдөр үргэлжлэх тус бага хурлын хүрээнд “Бүс нутгийн аюулгүй байдлын сорилт, боломж”, “ЗХА-ийн олон талт хамтын ажиллагаа”, “ЗХА-ийн энх тайвны ирээдүй”, “Цар тахлын дараах бүс нутгийн эдийн засгийн хамтын ажиллагаа”, “ЗХА-ийн эрчим хүчний шилжилт дэх цахилгаан дамжуулах сүлжээний уялдаа холбоо” гэсэн сэдвээр таван салбар хуралдаан, Засгийн газрын төлөөлөгчдийн дугуй ширээний уулзалт тус тус болно.

“Улаанбаатарын яриа хэлэлцээ” олон улсын 7 дугаар бага хуралд 20 гаруй улс, олон улсын 30 орчим байгууллага, судалгааны хүрээлэнгийн нийт 150 орчим төлөөлөгч оролцож байна.


Зүүн Хойд Азийн аюулгүй байдлын асуудлаарх “Улаанбаатарын яриа хэлэлцээ” олон улсын VII бага хурал эхлэв  
Үзсэн: 317 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй