Шууд Chart

Монгол Улсаас Саудын Арабын Хаант Улсад суух Элчин сайд Ш.Одонбаатар итгэмжлэх жуух бичгийнхээ хувийг гардуулав

2022-06-30 17:43:40

Монгол Улсаас Саудын Арабын Хаант Улсад суух Онц бөгөөд Бүрэн эрхт Элчин сайд Ш.Одонбаатар 2022 оны 6 дугаар сарын 27-ны өдөр Саудын Арабын Хаант Улсын Гадаад хэргийн дэд сайд Халид Файсал Аль-Сахли-тэй уулзаж, Итгэмжлэх жуух бичгийнхээ хувийг өргөн барив.

Уулзалтын үеэр Дэд сайд Халид Файсал Аль-Сахли Элчин сайдад ажлын амжилт хүсэж, хоёр улсын хамтын ажиллагааг хөгжүүлэхэд Элчин сайдын үүрэг оролцоо чухлыг онцлон тэмдэглэж, цаашид Саудын Арабын Хаант Улсын Гадаад хэргийн яамнаас бүхий л талаар дэмжихээ илэрхийлэв.

Мөн уулзалтын дараа тус улсын Гадаад хэргийн яамны Азийн газрын Ерөнхий захирал Файсал Аль-Амуди-тай уулзаж, хоёр улсын хамтын ажиллагааг боломжит салбаруудад өргөжүүлэн хөгжүүлэх асуудлаар санал солилцов.


Монгол Улсаас Саудын Арабын Хаант Улсад суух Элчин сайд Ш.Одонбаатар итгэмжлэх жуух бичгийнхээ хувийг гардуулав  
Үзсэн: 110 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй