Шууд Chart

Төслийн хэрэгжилт болон сургалтын төлөвлөгөөний талаар санал солилцов

2022-08-12 09:25:15

БНФУ-аас БНХАУ-ын Бээжинд суугаа Элчин сайдын яамны Бүс нутгийн иргэний хамгаалалтын зөвлөх, дэд хурандаа Арманд Моранд “Монгол Улсын Онцгой байдлын байгууллагын үйл ажиллагаа, Монгол Улсын Засгийн газар болон Бүгд Найрамдах Франц Улсын Засгийн газар хооронд иргэний аюулгүй байдлын салбарт хамтран ажиллах тухай хэлэлцээр”-ийн дагуу хэрэгжүүлсэн төслүүдэд үнэлэлт өгөх, 2023 оны хамтын ажиллагааны төлөвлөгөөг хэлэлцэх зорилгоор ажлын айлчлал хийж байна.

Үүнтэй холбогдуулан ОБЕГ-ын дарга, хошууч генерал Г.Ариунбуян дэд хурандаа Арманд Морандыг хүлээн авч уулзлаа. Уулзалтаар Онцгой байдлын байгууллагын гал түймэртэй тэмцэх техник, тоног төхөөрөмжийг сайжруулах болон агаараас эрэн хайх, аврах нэгж байгуулах төслийн хэрэгжилтийн талаар болон цар тахал, ложистикоос үүссэн хугацааны хоцрогдлыг хэрхэн нөхөх, ирэх жилийн сургалтын төлөвлөгөөний талаар санал солилцсон юм.

Айлчлалын хүрээнд ОБЕГ-ын харьяа Агаараас эрэн хайх, аврах 111 дүгээр анги,  Баянгол дүүргийн Онцгой байдлын хэлтсийн Гал түймэр унтраах, аврах 18 дугаар анги, НОБГ-ын Аврах анги болон Гамшгаас хамгаалах сургалт аргазүйн төв, Гамшгийн шуурхай удирдлага зарлан мэдээллийн төвийн үйл ажиллагаатай танилцлаа гэж Онцгой байдлын ерөнхий газраас мэдээллээ.


Төслийн хэрэгжилт болон сургалтын төлөвлөгөөний талаар санал солилцов  
Үзсэн: 290 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй