Шууд Chart

Бразил, Португал шилдэг 16-д шалгарлаа

2022-11-29 10:39:32

"Катар-2022" хөлбөмбөгийн ДАШТ-ий хоёрдугаар тойргийн тоглолтууд өчигдөр дууслаа. Энэ тойргийн дараа Франц, Бразил, Португалын баг дараагийн шатанд буюу шилдэг 16-д шалгарах нь баталгаатай болсон бол Катар, Канадын багууд хасагдах шатанд тоглох боломжгүй болсон юм.

32 багаас таван багийн хувь заяа тодорхой болж, дараагийн тоглолт өнөөдөр болно.

КАМЕРУН-СЕРБ 3:3

Эхлээд гоол алдсан ч гэсэн Сербүүд дараалан гурван гоол оруулж, 3:1 -ээр хошуучилж эхэлсэн. Тоглолт, довтолгоо, бөмбөг эзэмшилт зэргээр илт илүү байлаа.

Харин дахиад нэг гоол оруулсан бол Камерун "дуусах" байсан юм. Гэвч камерун сөрөг довтолгоогоор яах ийхийн зуургүй тоог 3:3 болголоо. Ингэснээр хоёр баг хоёулаа сүүлчийн тоглолтоос хожил авах том даалгавартай боллоо.

БРАЗИЛ-ШВЕЙЦАРЬ 1:0

Тоглолтын турш давамгайлсан хэдий ч Бразилчууд гоол хийж чадахгүй 80 минут болсон. Ричарлисон, Рафинья нараа Габриэль Жезүс, Антони нараар солиод ч адилхан. Хожлын гоолыг хагас хамгаалагч Каземиро хийлээ.

БНСУ-ГАНА 2:3

Жинхэнэ "гал гарсан" тулаан боллоо. Солонгос хоёр гоолоор хожигдож явсан ч Чогийн толгой хоёр гоолыг хоромхон хугацаанд нөхсөн. Гэвч "Хар одууд" хариуг нь хурдан барьж, 3:1-ээр хожлоо.

ПОРТУГАЛ-УРУГВАЙ 2:0

КР7 болон түүний нөхөд шилдэг 16-д нэг их төвөггүй л үлдэж байна. Бүрэлдэхүүн зузаан, нэг эвээ олчихвол хол явах магадлал өндөр.

Ц.Энхтүвшин


Бразил, Португал шилдэг 16-д шалгарлаа  
Үзсэн: 175 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй