Шууд Chart

ANCSDAAP-ийн 32 дугаар бага хурал Монгол Улсад болно

2022-11-30 09:28:08

“Ази, Америк, Номхон Далайн Орнуудын Үндэсний тооллого, Статистикийн байгууллагын дарга нарын нийгэмлэг (ANCSDAAP)-ийн Хүн амын тооллогын 31 дүгээр бага хурал” Японы Токио хотод өнөөдөр эхэллээ.
 
Ирэх 12 дугаар сарын 1 хүртэл үргэлжлэх тус олон улсын бага хурлаар “2020 оны тооллого, судалгаанд “КОВИД-19” хэрхэн нөлөөлсөн, түүнээс шалтгаалсан сорилтуудыг хэрхэн даван туулах” талаар онцлон хэлэлцэж байна. Хоёр жил тутамд зохион байгуулагддаг энэхүү хуралд Үндэсний Статистикийн Хорооны дарга Б.Батдаваа цахимаар оролцож, "Монгол Улсын Хүн амын тооллогод “КОВИД-19” хэрхэн нөлөөлсөн, мэдээлэл цуглуулах болон боловсруулахад ямар сорилтууд учирсан” талаар илтгэл тавилаа.
 
Түүнчлэн ANCSDAAP-ийн Удирдах зөвлөлийн дэд Ерөнхийлөгчөөр Үндэсний Статистикийн Хорооны дарга Б.Батдаваа сонгогдлоо. Мөн ирэх 2024 онд тус нийгэмлэгийн 32 дугаар бага хурлыг Монгол Улсад зохион байгуулахаар санал нэгдсэн байна.
Эх сурвалж: ҮСХ

ANCSDAAP-ийн 32 дугаар бага хурал Монгол Улсад болно  
Үзсэн: 113 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй