Шууд Chart

Гэр бүлийн тухай хуулийн шинэчилсэн найруулгын төсөл болон хүүхдийн тэтгэлгийн асуудлаар хэлэлцүүлэг зохион байгуулав

2022-12-09 13:56:30

Хөдөлмөр, нийгмийн хамгааллын яам нь 2022 оны 12 дүгээр сарын 9-ний өдөр Хууль зүй, дотоод хэргийн яамтай хамтран Гэр бүлийн тухай хуулийн шинэчилсэн найруулгын төслийн ээлжит хэлэлцүүлгийг “Гэр бүлийн тухай хуулийн шинэчилсэн найруулгын төсөл болон хүүхдийн тэтгэлэг” сэдвийн дор зохион байгууллаа. Хэлэлцүүлэгт төр, төрийн бус байгууллагын төлөөлөл, өрх толгойлсон эх, эцэг зэрэг хуулиар эрх ашиг нь хөндөгдөх хэсгийн төлөөлөл зэрэг нийт 50 гаруй хүн оролцов.
 
Энэ удаагийн хэлэлцүүлэгт Гэр бүлийн тухай хуулийн хуулийн шинэчилсэн найруулгын үзэл баримтлал, хүүхдийн тэтгэлэг гаргуулах шийдвэр гүйцэтгэх ажиллагаа, хүүхдийн тэтгэлэг тогтоох аргачлалын гадаад орны туршлага сэдвээр тус тус илтгэл тавигдаж, хүүхдийн тэтгэлэг тогтоох, зохицуулах талаар тулгамдаж буй асуудал, арга, аргачлалын асуудлаар хэлэлцүүлэг өрнүүлэв. Хэлэлцүүлгээр хүүхдийн тэтгэлэг тогтоох, тооцох, одоогийн эрх зүйг сайжруулах, хүүхдийн тэтгэлгийн бүрэн төлөлтийг хангах асуудлыг эцэг, эхийн үүрэг хариуцлагатай холбон ярилцаж, иргэдийг соён гэгээрүүлэх, хууль тогтоомжийг сурталчлах, гэр бүлийн боловсрол олгох хэрэгцээ байгааг онцлов.
 
Эх сурвалж: ХНХЯ

Гэр бүлийн тухай хуулийн шинэчилсэн найруулгын төсөл болон хүүхдийн тэтгэлгийн асуудлаар хэлэлцүүлэг зохион байгуулав  
Үзсэн: 475 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй