Шууд Chart

Зургаан хүүхэд "Эх нярайн үндэсний төв-2" эмнэлэгт үргэлжлүүлэн эмчлүүлж байна

2023-11-29 16:20:55

Энэ сарын 24-нд  "Эх нярайн үндэсний төв-2"  эмнэлэгт хэвтэн эмчлүүлж байсан 0-2 насны 17 хүүхдэд тариа хийхэд хүчтэй хариу урвал үзүүлж бөөлжих, суулгах, таталт өгөх шинж тэмдэг илэрсэн.

Хүүхдүүдийн биеийн байдал ямар байгааг Эрүүл мэндийн яамнаас тодруулахад “Тариа андуурч хийсэн зүйл байхгүй. Сувилагч нь шөнийн 12:00 цагт цагийн тариагаа хийхдээ өмнө нь бүгдийг нь тариурт соруулж хийснээс болж хүүхдүүдийн байдал өөрчлөгдсөн” гэсэн тайлбар өгсөн. 

"Эх нярайн үндэсний төв-2" эмнэлгийн зүгээс “Тариа хийгээд урвал гарсан шалтгааныг тодруулахаар ажилласан. Найруулсан бодисыг нь шинжлэхээр хурааж авсан байгаа. Тус тариа нь бусад хүүхдүүдтэй  хийсэн тариатай адил ижил сери дугаартай байсан. Сувилагч стандартын дагуу тариа хийсэн эсэхийг хүүхдүүдийн эцэг, эхээс  тодруулсаар байна. Зарим нь сувилагч өрөөнд орж ирээд тариагаа найруулсан гэж хариулсан бол нэг хэсэг нь найруулаад орж ирсэн гэсэн. Сувилагч тарианы стандарт алдсан байж болзошгүй гэж үзэж байна. Тус сувилагчид хариуцлага тооцохоор чанарын алба ажиллаж байна” гэсэн юм.

Эрүүл мэндийн яамны Хэвлэл мэдээллийн ажилтан Э.Энхзул "17 хүүхдийн 10 нь биеийн байдал тогтворжин эмнэлгээс гарсан. Нэг хүүхдийг эх ургийн хавсарсан өвчтэй байсан тул ЭХЭМҮТ рүү шилжүүлж, зургаан хүүхдийн эмчилгээ дуусаагүй учир тус эмнэлэгт үргэлжлүүлэн хэвтэж байна" гэлээ. 

Нийтэлсэн: Т.Урангуа

Зургаан хүүхэд "Эх нярайн үндэсний төв-2" эмнэлэгт үргэлжлүүлэн эмчлүүлж байна   
Үзсэн: 1509 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй