Шууд Chart

Налайх эрүүл мэндийн төв нь элэгний хавдрын мэс заслыг анх удаа амжилттай хийлээ

2023-11-30 10:51:02

Налайх эрүүл мэндийн төвийн мэс заслын тасгийн хамт олон ХСҮТ-тэй ЭЦНБМСТ-ийн эрхлэгч Г.Үнэнбат ахлагчтай баг бүрэлдэхүүнтэй хамтран “Элэгний баруун дэлбэнгээс хавдартай хэсгийг тайрах мэс засал”-ыг анх удаа дүүрэгтээ амжилттай хийлээ.

Эмчлүүлэгчийн биеийн байдал сайн байгаа ба цаашид гам, дэглэмийг үргэлжлүүлэн барих шаардлагатай юм.

Энэхүү мэс заслыг дүүрэгтээ хийж эхэлснээр лавлагаа шатлалын эмнэлгүүдийн ачааллыг бууруулж, иргэд цаг алдалгүй, хүндрэл чирэгдэл, хүлээгдэлгүйгээр эмнэлгийн тусламж үйлчилгээг дүүрэгтээ авч чадаж буйгаараа давуу талтай юм.

Энэхүү томоохон хагалгааг дүүрэгтээ хийж эхлэх зорилгын хүрээнд ЭМТ-ийн удирдлагын зүгээс элэг, цөсний хавдрын мэс заслын эмч, сувилагчийг багаар нь бэлтгэж, шаардлагатай багаж хэрэгслийг урьдчилан бэлтгэж, нөөц, чадавхаа бэхжүүлээд байсан юм.

Ташрамд дурдахад, дүүргийн хэмжээнд 346 хүн хавдрын хяналтад байгаагаас хамгийн их нь буюу 23.5 хувийг элэгний хорт хавдар эзэлж байна.

Цаашид энэхүү хагалгааг бие даан хийж, хавдрын мэс заслыг дүүрэгтээ нутагшуулахад бүрэн боломжтой боллоо.

Эх сурвалж: Налайх эрүүл мэндийн төв


Налайх эрүүл мэндийн төв нь элэгний хавдрын мэс заслыг анх удаа амжилттай хийлээ  
Үзсэн: 1155 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү
Зочин [127.0.0.xxx] 2023-12-04 17:39
Bayr hurgie mundag emch nar ta

Бидэнтэй нэгдээрэй