Шууд Chart

НҮБ-ын Статистикийн комиссын 55 дугаар чуулган Нью-Йорк хотод зохион байгуулагдаж байна

2024-02-29 12:45:23

НҮБ-ын Статистикийн комиссын 55 дугаар чуулган энэ сарын 27-оос гуравдугаар сарын 1 хүртэл АНУ-ын Нью-Йорк хотод зохион байгуулагдаж байна.
Чуулганаар нийгэм, эдийн засаг, байгаль орчны статистикийн мэдээллийн хэлэлцэх, танилцах асуудлаас гадна Албан ёсны статистикийн үндсэн зарчмууд, ТХЗ-ын шалгуур үзүүлэлтүүд, өгөгдлийн удирдлага, засаглал, их өгөгдөл зэрэг албан ёсны статистикийн шинэчлэлийн өнөөгийн чухал асуудлуудыг хэлэлцэж байна.
 
Энэхүү чуулганд Монгол Улсыг төлөөлж жил бүр Үндэсний Статистикийн Хорооноос төлөөлөл оролцдог. ҮСХ-ны төлөөлөгчид чуулганы албан ёсны үйл ажиллагаа болон салбар хуралдаанд оролцохоос гадна 21-р зууны Статистикийн хөгжлийн төлөөх түншлэл (ПАРИС 21)”-ийн удирдах зөвлөлийн салбар уулзалт, НҮБ-ын Ази, Номхон Далайн Эдийн Засаг, Нийгмийн Комиссын статистикийн хорооны салбар хуралдаан мөн “Үндэсний Статистикийн Хорооны удирдлагад эмэгтэйчүүдийг чадавхжуулах арга замууд” хуралдаанд панелист, хурал даргалагчаар оролцоно.
 
Үүнээс гадна энэ үеэр БНСУ-ын Статистикийн газар, БНХАУ-ын Үндэсний Статистикийн газар, Япон улсын Статистикийн товчоотой хоёр талт уулзалт зохион байгуулж, БНСУ-ын Статистикийн газар, Бүгд Найрамдах Польш Улсын Статистикийн газартай харилцан ойлголцлын санамж бичгийг шинээр болон шинэчлэн байгуулж, гарын үсэг зурах юм.
 
Эх сурвалж: ҮСХ

 


НҮБ-ын Статистикийн комиссын 55 дугаар чуулган Нью-Йорк хотод зохион байгуулагдаж байна  
Үзсэн: 744 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй