Үндэсний телевиз
Цагийн хүрд
Найм арваннэг
Өнөөдрийн байдлаар 14783 малчин өрх отроор өөрийн болон бусад аймгийн нутагт амьдарч байна.
Тиймээс отроор яваа гэр бүлийн гишүүд жирэмсэн эхэд хэрхэн анхаарал тавих ёстой талаар хүргэж байна.
-Харьяалал харгалзахгүйгээр хамгийн ойр сум, өрхийн эмнэлэгт жирэмсний хяналтад байх
-Тухайн эмнэлгийн эх баригч эмчид 2-3 утасны дугаарыг бүртгүүлэх (нөхөр, ээж, аав, ах, эгч)
-Нутаглаж байгаа газартаа хамгийн ойр эмнэлгийн яаралтай дуудлага хүлээн авдаг утасны дугаарыг мэдэх, утас байнга нэгжтэй, цэнэгтэй байх, сүлжээтэй газраа мэддэг байх
-Жирэмсний хяналтын картаа биедээ байнга авч явах
-Жирэмсний товлолт үзлэг бүртээ заавал очиж, ураг нярай болон биеийн байдлаа үзүүлэх, зөвлөгөө авах
-Ажил, амралтаа зөв зохицуулах, сайн унтаж амарч байх
-Шим тэжээл сайтай хоол унд хэрэглэх
Жирэмсний үед дараах аюултай шинж тэмдгүүд илэрвэл эмч дуудах, эсвэл өөрт ойрхон өрх, сумын эрүүл мэндийн байгууллагад хандаарай.
- Ураг хөдлөхгүй болох, хөдөлгөөн цөөрөх
- Толгой өвдөх, дотор муухайрах, бөөлжих
- Үтрээнээс гэнэт цус, эсвэл ус гарах
- Таталт өгөх
- Аюулхай орчмоор өвдөх, дарж байгаа мэт мэдрэмж өгөх
- Хэвлий доод хэсгээр базалж хүчтэй өвдөх
- Шээсний гарц багасах, ойр ойрхон шээх
- Даралт ихсэх (Толгой хүчтэй өвдөх, шилэн хүзүүгээр хөших, нүд бүрэлзэх)
- Арьс салст гэнэт цайх, хөхрөх
Эх сурвалж: ОБЕГ-ын Урьдчилан сэргийлэх газар
| Отроор яваа жирэмсэн эхэд хэрхэн анхаарал халамж тавих вэ | ||
| Үзсэн: 1531 | Mongolian National Broadcaster |
Р.Слава
Шог зураач Л.Мөнхбат
О.Шинэтуяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.