Нийслэлийн ойн сан 130 гаруй зүйлийн мод, сөөгөөс бүрдэнэ.

НҮБ-аас дэлхийн хуурай газрын 31 хувийг эзэлдэг ойн сан хөмрөгөө хамгаалах, байгаль экологийн тэнцвэрт байдлыг хадгалах зорилгоор жил бүрийн гуравдугаар сарын 21-ний өдрийг тэмдэглэж байхаар 2012 онд шийдвэрлэжээ.

Манай улс 2015 оноос эхлэн энэ өдөр ойн олон талын ач холбогдлыг иргэд олон нийт, нийгэмд ойлгуулан, сурталчлан таниулахад анхаарч ирсэн.

Олон улсын ойн өдрийг энэ жил "Ой ба инновац: Илүү сайхан дэлхийн төлөөх шинэлэг шийдлүүд" сэдвийн хүрээнд тэмдэглэж байна гэж Нийслэлийн Байгаль орчны газраас мэдээллээ.