Монголын Үндэсний бөхийн холбооны “Алтан цом” -ын тавдугаар тойргийн эхний өдрийн барилдаанд “Хатант интернэшнл” ХХК-ийн Хатант интернэшнл баг АПУ ХК, СКАЙТЕЛ ХХК-ийн АПУ, СКАЙТЕЛ багтай учраа тааран барилдаж, Хатант интернэшнл баг 13:12-оор ээлжит ялалтаа авлаа.

Хатант интернэшнл багт улсын заан С.Сүхбат /1/, тавдугаар тойргоос сэлгээнд сууж, түүний оронд орж барилдсан аймгийн арслан Б.Шаравдорж /0/, улсын харцага Б.Зоригтбаатар /2/, улсын харцага О.Мөнх-Эрдэнэ /3/, улсын начин Т.Дүгэрдорж /3/, улсын начин Э.Мөнхжаргал /4/, нийт 13 даваагээр ээлжит ялалтаа авсан бол АПУ, СКАЙТЕЛ багт улсын арслан Б.Орхонбаяр /4/, улсын харцага Б.Цэдэнсодном /3/, улсын өсөх идэр начин Ч.Батчулуун /2/, аймгийн хурц арслан Б.Очирхүү /0/, дөрөвдүгээр тойргоос сэлгээнд сууж, түүний оронд орж барилдсан аймгийн арслан О.Баярбаасан /1/, аймгийн хурц арслан Н.Амгаланбаатар /2/ нийт 12 даваа авч хоёр дахь ялагдлаа хүлээлээ.

Хатант интернэшнл багийн дасгалжуулагчаар улсын арслан Р.Пүрэвдагва, АПУ, СКАЙТЕЛ багийн дасгалжуулагчаар улсын харцага Т.Өсөх-Ирээдүй нар ажилласан юм.

Миг Даатгал ХХК, Хушхан ХХК-ийн "Эв Монгол" баг М Си Эс Группийн "М-Си-Эс Энержи" багтай учраа тааран барилдаж, "М-Си-Эс Энержи" баг 14:11-ээр ээлжит ялалтаа авлаа.

М, Си, ЭС-Энержи багт улсын арслан Э.Батмагнай /5/, улсын харцага Ц.Мөнхбаяр /1/ тавдугаар тойргоос сэлгээнд сууж, түүний оронд орж барилдсан улсын харцага Н.Золбоо /0/, аймгийн хурц арслан Д.Алтанцоож /3/, аймгийн арслан Ц.Төмөрцоож /2/, аймгийн арслан Ч.Алтангэрэл /2/ гуравдугаар тойргоос сэлгээнд сууж, түүний оронд орж барилдсан аймгийн арслан Д.Аззаяа /1/ нийт 14 даваагаар ээлжит ялалтаа авсан бол ЭВ МОНГОЛ багт улсын арслан Э.Оюунболд /2/, улсын заан Б.Пүрэвсайхан /0/, дөрөвдүгээр тойргоос сэлгээнд сууж, түүний оронд орж барилдсан аймгийн арслан Ц.Лувсан-Адъяа /0/, улсын заан М.Лхагвагэрэл /4/, аймгийн хурц арслан Э.Мөнхбаатар /3/, аймгийн харцага Б.Ренчинжүгдэр /0/, гуравдугаар тойргоос сэлгээнд сууж, түүний оронд орж барилдсан аймгийн арслан Я.Бумбаяр /2/ нийт 11 даваа авсан юм.

"М-Си-Эс Энержи" багийн дасгалжуулагчаар улсын харцага Н.Золбоо, Эв Монгол багийн дасгалжуулагчаар улсын начин Б.Адъяахүү нар ажиллав.

Эх сурвалж: Монголын үндэсний бөхийн холбоо