Үндэсний телевиз
Цагийн хүрд
Найм арваннэг
Нийслэлийн Засаг дарга “Бага сургууль, цэцэрлэгийн цогцолбор барилгын гадна инженерийн шугам сүлжээний ажлыг зохион багуулах тухай” А/864 дугаар захирамж гаргалаа. Захирамжаар Гэр хорооллын дахин төлөвлөлтийн Төслийн Удирдах Хорооны 2014 оны 59 дүгээр тогтоолын дагуу Сүхбаатар дүүргийн 11 дүгээр хорооны Бага сургууль, цэцэрлэгийн цогцолбор барилгын гадна инженерийн шугам сүлжээний ажлын жагсаалтыг гаргасан байна.
Батлагдсан төсөл арга хэмжээнд шаардагдах 156 573 079 төгрөгийг нийслэлийн 2014 оны төсөвт батлагдсан Бага сургууль, цэцэрлэгийн цогцолбор барилгуудын гадна инженерийн шугам сүлжээний зураг төсөв, угсралтын ажлын хөрөнгөнөөс гаргахаар шийдвэрлэжээ.
Бага сургууль, цэцэрлэгийн цогцолбор барилгын гадна инженерийн шугам сүлжээний ажлыг Гэр хорооллын дахин төлөвлөлтийн үйл ажиллагааны журамд нийцүүлэн зохион байгуулж, хэрэгжүүлэхийг Гэр хорооллын хөгжлийн газарт үүрэг болголоо. Харин хөрөнгө оруулалтын ажлыг гүйцэтгэлээр санхүүжүүлэхийг Тамгын газрын Санхүү, төрийн сангийн хэлтэст, захиалагчийн хяналт тавьж ажиллахыг нийслэлийн Хөрөнгө оруулалтын газарт, хөрөнгө оруулалтаар бий болсон хөрөнгийг нийслэлийн өмчид бүртгэн авч, эзэмшилт, ашиглалтын байдалд хяналт тавьж ажиллахыг нийслэлийн Өмчийн харилцааны газарт даалгалаа.
СҮХБААТАР ДҮҮРГИЙН 11 ДҮГЭЭР ХОРООНЫ БАГА СУРГУУЛЬ, ЦЭЦЭРЛЭГИЙН ЦОГЦОЛБОР БАРИЛГЫН
ГАДНА ИНЖЕНЕРИЙН ШУГАМ СҮЛЖЭЭНИЙ АЖЛЫН ЖАГСААЛТ
| № | Төсөл, арга хэмжээний нэр, хүчин чадал, байршил |
Төсөвт өртөг |
| 1 | Гадна дулааны Ф89 мм-ийн голчтой 190 м шугам, хэрэгцээний халуун усны Ф48-76 мм-ийн голчтой 190 м шугам, цэвэр усны Ф119 мм-ийн голчтой 95,5 м шугамын угсралтын ажил /СБД, 11-р хороо/ | 107 341 119 |
| 2 | Гадна бохир усны Ф100 мм-ийн голчтой 14м шугамын угсралтын ажил /СБД, 11-р хороо/ | 17 596 957 |
| 3 | Цахилгааны 100 м кабель шугамын ажил |
9 871 640 |
| 4 | Гадна холбооны шугамын угсралтын ажил | 21 763 363 |
| ДҮН | 156 573 079 |
| Бага сургууль, цэцэрлэгийн цогцолборын шугам сүлжээний ажлын хөрөнгийг шийдвэрлэлээ | ||
| Үзсэн: 824 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.