Манай улс нефть бүтээгдэхүүн, бензин шатахууны хувьд гадаадаас шууд хамааралтай гэж болно. Энэ хараат байдал эдийн засагт сөргөөр нөлөөлж, инфляцийг хөөрөгдөх суурь хүчин зүйл болсоор ирсэн. Тиймээс ч Засгийн газар, Монголбанктай хамтран өнгөрсөн хоёр жил шатахууны жижиглэнгийн худалдааны үнийг тогтворжуулах дэд хөтөлбөрийг хэрэгжүүлж гарч болох эрсдлээс урьдчилан сэргийлж чадсан гэж мэргэжилтнүүд дүгнэж байгаа юм. Гэхдээ сүүлийн хэдэн сар дэлхийн зах зээл дээр газрын тосны бүтээгдэхүүний үнэ буурч байхад манайд энэ нь нөлөөлөхгүй байгааг шүүмжлэх хүмүүс байна. Энэ асуудалд Монгол Улсын Ерөнхий сайд Ч.Сайханбилэгийн өгсөн тайлбарыг сонсъё.

Нефть бүтээгдэхүүн, бензин шатахууны нөөц хангамж, дэлхийн зах зээлийн үнэ ханш, цаашдын хандлагын талаар өнөө орой МҮОНР-ийн "Тусгал" мэдээлийн шууд хөтөлбөрөөс сонсогч та бүхэн үргэлжлүүлэн мэдээлэл аваарай.