“Алтны олборлолтыг нэмэгдүүлж эдийн засгийг эрчимжүүлэх зарим арга хэмжээний тухай” Засгийн газрын 94 дүгээр тогтоолын дагуу хөрөнгө оруулалтаа шийдээгүй болон санхүүгийн хүндрэлтэй байгаа аж ахуйн нэгжүүдээс алтыг нь худалдан авах нөхцөлтэйгээр урьдчилгаа олгохоор болоод байгаа. Хөнгөлөлттэй зээлийн эх үүсвэрийг шийдвэрлэхийг Сангийн сайд Ж.Эрдэнэбат, Уул уурхайн сайд Р.Жигжид нар зохих журмын дагуу хянаж, санхүүжүүлэхийг Хөгжлийн банкны гүйцэтгэх захирал Н.Мөнхбат, санхүүжилтийн оновчтой схемийг боловсруулах ажлыг Монголбанкны ерөнхийлөгч Н.Золжаргал хариуцан ажиллаж байгаа. Тиймээс санхүүжилтийг хэрхэн шийдвэрлэж байгаа талаар Монголбанкны ерөнхийлөгч Н.Золжаргалтай ярилцсан юм.