Энэ мэдээж энэ улсад ажиллаж амьдарч байгаа манайхны сонирхлыг татах байх хэмээн бэлтгэн орууллаа. Стокхольм хотод дүүрэг болгонд түүний дэлгүүр тааралдана. Харин эзэн нь зартай тамирчин байж...

№1 теннисчин Бьорн Борг ба "Björn Borg" брэнд

Иргэншил: Швед
Амьдардаг газар: Монако
Төрсөн өдөр: 1956-06-06
Төрсөн газар: Стокгольм, Швед
Өндөр: 180 см
Жин: 77 кг
Карьер: 1973-1993
Шагналын хэмжээ: 3 655 751

• Жинхэнэ нэр Бьорн Руне Борг /Björn Rune Borg/ Шведийн мэргэжлийн, дэлхийн №1 теннисчин байсан
• Мэргэжлийн тэмцээнд 1973 оноос оролцож эхэлсэн. 77 томоохон тэмцээнд түрүүлсэн
• 1977-08-23-нд №1 теннисчинээр тодорч энэ алдрыг 109 долоо хоног хамгаалсан
• Францын нээлттэй тэмцээний зургаан удаагийн аварга /1974, 1975, 1978, 1979, 1980, 1981/
• Уимблдоны таван удаагийн аварга /1976, 1977, 1978, 1979, 1980/
• Америкийн нээлттэй тэмцээнд дөрвөн удаа финальдсан
• 1979 болон 1980 оны Мастерсийн цомын эзэн

• 1975 онд Шведийн шигшээ багийн хамт Дэвисийн цомыг хүртсэн
• 18 нас хүрээгүй байхдаа Италийн хамгийн залуу аварга болсон бол хоёр долоо хоногийн дараа Францын залуу аварга болж байв.
• 1983 онд зодог тайлахаа мэдэгдсэн ч 90-ээд оны эхээр эргэж талбайдаа ирэхийг оролдсон
• Харин сүүлийн гурван жил нь нэг ч тэмцээнд ялж чадаагүй бөгөөд 1993 онд "Кремлийн цом"-д Оросын Александр Волковт ялагдсаныхаа дараа их спортод "баяртай" гэжээ
• Бьорн Борг 27-тойдоо тэтгэвэрт гарсан

• Анхны эхнэр нь теннисчин Мариана Симанеска бөгөөд удалгүй салсан
• Салалтын шалтгаан нь модель Яники Бьорлинг гэх бүсгүй Боргийн нууц хүү Робинийг төрүүлсэн дуулиан байлаа
• Дараа нь тэрээр 1989-93 онд италийн дуучин Лоредана Бертетэй "сохроор гэрлэсэн" гэдэг
• Харин одоогийн найз бүсгүй Патрица Остфельд түүнд хүү төрүүлж өгөөд байгаа
• Бьорны хувьд Fila Bjorn Borg хэмээх өөрийн нэрийн худалдааны тэмдэгтийг эзэмшдэг

• Björn Borg АВ /World Brand Management-WBM/ нь Шведээс гадна дэлхийн есөн оронд салбартай.
• WBM нь 1997 оноос Björn Borg гэх нэрийг албан ёсоор эзэмшиж бараа бүтээгдэхүүнээ үйлдвэрлэж эхэлсэн
• дотуур хувцас, гутал, шил шаазан, үнэртэн үйлдвэрлэдэг. эдгээрээс олон улсын хэмжээнд томоохон зах зээлийг эзэлсэн нь дотуур хувцас аж
• 1987 онд олон улсын теннисний алдарын танхимд "залагдсан"
• 2003 онд Бьорн Борг ахмадын тэмцээнд оролцож залуу насны мөнхийн өрсөлдөгч нь байсан Жон Макинрой, Жимми Коннорс нартай халз үзсэн аж
• Боргийн эртний анд, менежер асан Ларс Скарке түүний тухай "Ялагч бүхнийг алддаг" хэмээх ном бичжээ.