ОХУ-ын хувьд Английн шигшээ багийн эсрэг тоглолтод эцсийн мөчид гоол оруулан нэг оноог салгаж чадсан бол Словакын хувьд Уэльсийн багт 2-1 харьцаатай ялагдсанаар хэсгийн сүүл мушгиж байгаа юм.

ОХУ-ын хамгаалалтыг магтмаар байгаа ч тэдний дөрвөн хамгаалагч, мөн хаалгач Акинфеев нар ЦСКА Москва клубын төлөө хүчин зүтгэдэг учир хоорондоо ойлголцоход тун хялбар байгаа гэж хэлж болно. Словакын хувьд ОХУ-ын эсрэг хамгийн сүүлд 243 минутын өмнө гоол оруулсан юм.

Хоёр баг хоорондоо

 - Хоёр баг хоорондоо нийт найман удаа нүүр тулж байсан бөгөөд гуравт нь ОХУ ялж байсан. Хоёрт нь Словакчууд ялалт байгуулжээ. 

- Словакын хувьд ОХУ-ын эсрэг хийсэн сүүлийн дөрвөн тоглолтод ердөө ганц гоол оруулсан.

- Хоёр багийн сүүлийн дөрвөн тоглолтод ердөө гуравхан гоол орсон байдаг.

ОХУ

-Зөвлөлт холбоот улс задарснаас хойш тэдний хамгийн өндөр амжилт нь Евро 2008-ын хагас шигшээд үлдсэн явдал юм.

- ОХУ ЕАШТ-д сүүлийн 16 тоглолтынхоо ердөө хоёрт нь хаалгандаа гоол алдаагүй.

- Тэд сүүлийн зургаан тоглолтынхоо нэгт нь ь ялалт байгуулсан. /Хоёр тэнцэж, гурав хожигдсон/

- Тэдний ЕАШТ-д оруулсан сүүлийн дөрвөн гоолын гурав нь сүүлийн 11 минутад орсон байдаг. 

Словак

-Дудагийн хувьд сэлгээгээр орж ирээд ердөө 52 секундын дараа Уэльсийн багийн эсрэг гоол оруулсан.

-Багийн гол тоглогч Марэк Хамшик Уэльсийн эсрэг тоглолтод 70 удаа бөмбөгөнд хүрсэн байна.