Хүн хоногт 400 грамм хүнсний ногоо хэрэглэх ёстой. Ингэснээр халдварт өвчин болон хорт хавдраас урьдчилан сэргийлж чадна гэж хүнс судлаачид үзэж байна. Үүнээс гадна мах, үр тариа, уураг, жимс, сүү цагаан идээ гэсэн 5 төрлийн хүнсийг тогтмол хэрэглэж байх нь чухал гэж ШУТИС –ийн хүнсний инженер био технологийн сургуулийн дэд захирал н.Пүрэвжав ярилаа. Дэлхийн эрүүл мэндийн байгууллагаас эмийн эмчилгээнээс илүү хоол хүнсээрээ дамжуулан аливаа өвчнөөс урьдчилан сэргийлэх зөвлөмжийг хүмүүст хүргэдэг байна.