2017 оны 5 дугаар сарын 1-нээс 5 дугаар сарын 8-ныг хүртэлх
7 хоногийн цаг агаарын урьдчилсан мэдээ

/Хугацааны дунд үеэр хур тунадас орж салхи шуургатай сэрүүснэ/

Баруун аймгуудын нутгаар: Тавдугаар сарын 1, 3-нд зарим газраар, 2-нд ихэнх нутгаар бороо, уулархаг нутгаар нойон цас орно. 7-нд нутгийн баруун хэсгээр бага зэргийн хур тунадас орно. Салхи 1-3-нд ихэнх нутгаар, 4-нд нутгийн зүүн хагаст 14-16 м/с, нутгийн өмнөд хэсгээр зарим үед 20-24 м/с хүрч шороон болон цасан шуурга шуурна. 1-нд нутгийн баруун хэсгээр, 2-4-нд ихэнх нутгаар сэрүүсч Идэр, Тэс, Хүрэн бэлчирийн хөндийгөөр шөнөдөө 6-11 хэм хүйтэн, өдөртөө 0-5 хэм дулаан, Алтайн өвөр говиор шөнөдөө 4-9 хэм өдөртөө 12-17 хэм, бусад нутгаар шөнөдөө 1 хэм дулаанаас 4 хэм хүйтэн өдөртөө 5-10 хэм дулаан байна. Бусад хугацаанд өдөртөө Идэр, Тэс, Хүрэн бэлчирийн хөндийгөөр 10-15 хэм, Их нууруудын хотгор болон Алтай өвөр говиор 21-26 хэм, бусад нутгаар 17-22 хэм хүрч дулаарна.  

Төвийн аймгуудын нутгаар: Тавдугаар сарын 1-нд нутгийн баруун хэсгээр, 2-3-нд ихэнх нутгаар, 4-нд зарим газраар бороо хур тунадас орно. Салхи 1-4-нд зарим газраар 14-16 м/с, 3-4-нд нутгийн өмнөд хэсгээр зарим үед 18-20м/с хүрч шороон болон цасан шуурга шуурна. 2-4-нд сэрүүсч Дархадын хотгор, Хангай, Хөвсгөл, Хэнтэйн уулсаар шөнөдөө 7-12 хэм өдөртөө 0-5 хэм дулаан, бусад нутгаар шөнөдөө 1-6 хэм хүйтэн өдөртөө 5-10 хэм дулаан байна. Бусад хугацаанд дулаарч хугацааны эх болон сүүлчээр өдөртөө Дархадын хотгороор 10-15 хэм, Орхон-Сэлэнгийн саваар 21-26 хэм, бусад нутгаар 16-21 хэм дулаан байна.

Зүүн аймгуудын нутгаар: Тавдугаар сарын 2-3нд нутгийн баруун хэсгээр, 4-нд ихэнх нутгаар, 5-нд нутгийн зүүн хэсгээр хур тунадас уулархаг нутгаар нойтон цас орно. Салхи 2-5-нд ихэнх нутгаар 12-14 м/с, 3-4-нд зарим газраар 20-24 м/с хүрч шороон болон цасан шуурга шуурна. 1-2-нд ихэнх нутгаар шөнөдөө 5-10 хэм өдөртөө 25-30 хэм хүрч дулаарна. 3-нд нутгийн баруун хагаст, 4-5-нд бүх нутгаар сэрүүсч нутгийн хойд хэсгээр шөнөдөө 0-5 хэм хүйтэн өдөртөө 3-8 хэм дулаан, бусад нутгаар шөнөдөө 1-6 хэм өдөртөө 7-12 хэм дулаан байна. 6-наас дулаарна.

Говийн аймгуудын нутгаар: Тавдугаар сарын 2-нд нутгийн зүүн өмнөд хэсгээр бага зэргийн бороо, 4-нд нутгийн хойд хэсгээр бороо хур тунадас орно. Салхи 1-4-нд ихэнх нутгаар 14-16 м/с, 3-4-нд зарим газраар 20-24 м/с хүрч шороон шуурга шуурна. 1-2-нд шөнөдөө 8-13 хэм өдөртөө 24-29 хэм хүрч дулаарна. 3-5-нд сэрүүсч Дундговийн нутгаар шөнөдөө 1-6 хэм хүйтэн, өдөртөө 4-9 хэм дулаан, бусад нутгаар шөнөдөө 3 хэм дулаанаас 2 хэм хүйтэн, өдөртөө 10-15 хэм дулаан байна. 6-наас дулаарч өдөртөө бүх нутгаар 18-23 хэм дулаан байна.