Энэ дууны аяыг хааяа сонсож байснаас бус дууны үгийг анх удаа сайн сонсоод, бас шүлгийг зохиосон Нямаа (ум мааний бадмий хум) эрхэмийн ярилцлагыг уншаад энэ дууг сонсох маш дуртай боллоо. Энэ дуу бүтсэн түүх, шүлгийн зохиогч, ая зохиогч, анхлан дуулсан дуучдыг оролцуулсан маш сайхан нэвтрүүлэг болжээ. Олонд танигдсан энэ мэтчилэн сэтгэлд хоногшсон олон сайхан дуунуудын талаар ийм нэвтрүүлэг хийж, СД дээр эсвэл mp3 -аар худалдаалбал маш олон хүн авна гэж бодож байна. Ийм байдлаар санхүүгийн эх үүсвэр бий болгож, Монголынхоо олон сайхан дуунуудыг үүний дотор ардын дууг дэлгэрүүлэн түгээвэл залуу үе маань үүх түүх, ёс заншлаа ая дуугаар дамжуулан сэргээж санаж, цаашдын хүмүүжилд нь их хувь нэмэртэй болно гэж бодож явдаг. Та бүхний уран бүтээлийн үйлсэд өндөр амжилт хүсье.