“Азийн хөгжлийн банк” ирэх жил хөгжлийн бэрхшээлтэй иргэдийг чадавхжуулах, тэдэнд ур чадвар олгох хөтөлбөр хэрэгжүүлэхээр төлөвлөсөн. Мөн боловсролын салбарт бага сургуулийн 30 барилга барих төсөл удахгүй эхэлнэ гэж “Азийн хөгжлийн банк”-ны Монгол дахь суурин төлөөлөгч Ёланда Фернандез Ломмен хэллээ.

Түүнчлэн “Азийн хөгжлийн банк” эдийн засгийн хүнд үед нийгмийн эмзэг бүлгийн хүмүүст дэмжлэг үзүүлэх, банкны салбарыг эрүүлжүүлэх, бүтцийн өөрчлөлт хийхэд 100 сая америк долларын санхүүжилтийг “Олон улсын валютын сан”-гийн хөтөлбөрийн хүрээнд манай улсад олгоод байгаа юм.