Засгийн газрын ээлжит хуралдаан 2017 оны 12 дугаар сарын 06-ны өдөр болж дараах асуудлуудыг хэлэлцэн шийдвэр гаргалаа.

-  Засгийн газар, Дэлхийн банкны Олон улсын хөгжлийн ассоциаци хооронд байгуулсан “Эдийн засгийн удирдлагыг дэмжих хөтөлбөр, Нэгдүгээр хөгжлийн бодлогын санхүүжилтийн хэлэлцээрийг соёрхон батлах тухай төслийг хэлэлцэн дэмжиж УИХ-д өргөн мэдүүлэхээр болов. Хөтөлбөрийн хүрээнд төсвийн тогтвортой байдлыг сайжруулж, алдагдлыг бууруулан, нийгмийн халамжийн хөтөлбөрүүдийг зорилтот бүлэгт чиглүүлэх зэрэг арга хэмжээ авах юм.

-  БНХАУ-аас олгох 500 сая ам.долларыг хөдөө аж ахуйн бүтээгдэхүүний үйлдвэрлэлийг дэмжихэд зарцуулна. Энэ тухай хэлэлцээрт  гарын үсэг зурах эрхийг Сангийн сайдад олголоо.

-  ”Дорноговь аймгийн Ханги, Өмнөговь аймгийн Шивээхүрэн боомтоор түүхий мах, дайвар бүтээгдэхүүн, ургамлын үр, үрслэг, мал, амьтан болон үржлийн мал экспортлох болов.

-  Худалдаа, эдийн засаг, шинжлэх ухаан, техникийн хамтын ажиллагааны Монгол Улс, БНСУ-ын Засгийн газар хоорондын Комиссын 16 дугаар хуралдааны мөрөөр авч хэрэгжүүлэх арга хэмжээний төлөвлөгөөг батлав.

Хөгжлийн банкны зээлийн зарцуулалт