Вакцин нь шинжлэх ухааны гайхамшигт ололт амжилтуудын нэг юм. Та хүүхдээ дархлаажуулалтад цаг хугацаанд нь бүрэн хамруулснаар өөрийн хүүхдээ халдварт өвчний эрсдлээс бүрэн хамгаална.

Дархлаажуулалт бол таны эрүүл мэндийн баталгаа бөгөөд таны хүүхэд эрүүл өсч бойжиход эцэг, эхчүүдийн анхааралтай, хариуцлагатай байдал хамгаас чухал юм.

• Хүүхэд эхээс төрөхдөө зарим халдварт өвчний эсрэг дархлаатай төрдөг боловч тэр нь аажмаар буурсаар тодорхой хугацааны дараа алга болдог.  Үүнийг вакцин тарьж сэргээдэг.
• Халдварт өвчнөөс сэргийлэх, түүний тархалтыг хязгаарлах, өвчнийг устгах үр дүнтэй арга бол вакцинжуулалт юм.
• Вакциныг хүний биед оруулснаар халдварт өвчний эсрэг биеийн дархлааны системийг сэргээж, үүсгэгчийг дахин орж ирэх үед өөрөө таньж устгадаг.

Вакциныг уулгаж эсвэл тарьж хэрэглэнэ.