Цаг уур орчны шинжилгээний газраас 11 дүгээр сарын цаг агаарын төлөвийг урьдчилсан байдлаар бүсчлэн гаргажээ. Ирэх сарын сүүлээр Увс, Завханы ихэнх нутаг, Баянхонгорын хойд хэсгээр шөнөдөө 30-32 хэм, өдөртөө 18-23 хэм хүрч хүйтрэх юм байна. Мөн Дархадын хотгор, Хараа, Ерөө, Туул, Тэрэлж голын сав дагуух нутгаар шөнөдөө 28-33 хэм, өдөртөө 16-21 хэм хүрч хүйтрэх төлөвтэй байна.

11 дүгээр сарын эхэн болон сүүлээр ихэнх нутгаар цас орж, цасан шуурга шуурна. Ялангуяа, сарын сүүлчээр салхи ихэнх нутгаар 16-18 м/с хүрэх бол Говийн бүс, Арц Богдын өвөр хоолойгоор 24 м/с хүртэл ширүүсч шороон болон цасан шуурга шуурах төлөвтэй байна.