Үндэсний телевиз
Цагийн хүрд
Найм арваннэг
АНУ-ын Ерөнхийлөгч Дональд Трамп энэ сарын сүүлээр Аргентин улсад болох “Их 20”-ийн бүлгийн дээд хэмжээний уулзалтын үеэр ОХУ-ын төрийн тэргүүн Владимир Путинтай уулзаж магадгүй байна. Трамп, Путин нар уг нь энэ сарын 11-нд Парист болох Дэлхийн нэгдүгээр дайн дууссаны 100 жилийн ойд зориулсан арга хэмжээний үеэр уулзахаар яригдаж байсан юм. Гэвч Трамп өчигдөр сэтгүүлчидтэй уулзах үедээ Парист уулзалдана гэж итгэлгүй байгаагаа хэлжээ.
Оронд нь тэр 11 дүгээр сарын 30-нд эхлэх “Их 20”-ийн бүлгийн чуулганы үеэр Путинтай уулзахаа мэдэгдсэн байна. Хоёр орны төрийн тэргүүнүүд хамгийн сүүлд өнгөрөгч 7 дугаар сард Хельсинкид уулзсан юм. Тэдний дараагийн уулзалтын үеэр анхаарал татах асуудлын нэг нь зэвсэглэлд хяналт тавих асуудал байхаар байгаа. Трампын засаг захиргаа өнгөрсөн сард, дунд болон бага тусгалын пуужингийн зэвсэглэлийг хорогдуулах гэрээнээс гарах бодолтой байгаагаа Москвад мэдэгдсэнтэй энэ холбоотой.
| Трамп ойрын үед Путинтай уулзалдана гэдэгтээ итгэлгүй байна | ||
| Үзсэн: 1003 | Mongolian National Broadcaster |
А.Ариунзаяа
Р.Слава
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.