Шууд Chart

Дэлхийн зах зээл дээр нефтийн үнэ 3 өдөр дараалан буурчээ

2018-12-18 16:50:01

Дэлхийн зах зээл дээр нефтийн үнэ гурван өдрийн арилжаа дараалан буурчээ. АНУ-д нефтийн олборлолт нэмэгдэж, нөөц нь ихэссэнээс үүдэн зах зээлд нийлүүлэлт хэт давамгайлна гэсэн болгоомжлолын улмаас өнөөдөр нефтийн үнэ нэг гаруй хувиар унасан байна.

Өнөөдрийн арилжааны явцад умард тэнгисийн “Брент” маркийн нефтийн ирэх хоёрдугаар сарын захиалга худалдааны үнэ 1.36 хувиар буурч, нэг баррель нь 58.8 доллар болжээ. Харин Америкийн Баруун Техасын нефтийн үнэ 1.35 хувиар доошилж, баррель нь 49.52 долларт хүрсэн байна.

Дэлхийн зах зээл дээр нийлүүлэлт хэт давамгайлж болзошгүй эрсдлээс болгоомжлох хандлага “хар алт”-ны үнэд нөлөөлж байгаа гол хүчин зүйл болж байна.

“Кушинг” агуулах дахь АНУ-ын нефтийн нөөцийн хэмжээ энэ сарын 11-14-ний хооронд нэг сая баррелиас давсан тухай мэдээ үнэ эрчтэй буурахад гол түлхэц үзүүлснийг шинжээчид тэмдэглэж байна. 

Нийтэлсэн: Mонголын радио

Дэлхийн зах зээл дээр нефтийн үнэ 3 өдөр дараалан буурчээ   
Үзсэн: 729 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй