Америкийн аялагч Колин О`Брэди түүхэнд анх удаа Өмнөд туйлыг цор ганцаараа цанаар туулсан хүн болжээ. 1500 км урт замыг туулахад түүнд 54 хоног шаардагдсан байна.

Хоол хүнс, тоног хэрэгслээ ачсан 170-аад тонн жинтэй чаргаа бас өөрөө чирж явсан байна. Гэрийнхэн болон найз нөхөд нь О`Брэдийн аяллын туршид түүний "инстаграм"-д нийтэлсэн гэрэл зургууд болон сэтгэгдлүүдийг нь үзэн мэдээлэл авч байжээ.

Тэрбээр бариандаа очингуутаа “Би чадлаа” хэмээн "инстаграм"-даа бичжээ. Үүнээс өмнө нь Өмнөд туйлыг хүмүүс ганц нэгээрээ туулж байсан боловч тэр болгондоо жилийн өмнөөс нөөцөлсөн хүнсний агуулах, эсвэл механик хэрэгсэл сэлт ашигладаг байсан байна.

Харин АНУ-ын Портленд хотоос гаралтай 33 настай залуу дан өөрийн хүчинд түшиглэн энэ урт аяллыг дуусгаснаараа онцлог байна. О`Брэдитэй өрсөлдсөн Британийн иргэн Льюис Раддын аялал хараахан дуусаагүй байгаа аж.