Урд хөрш цахилгаан барааны үйлдвэрлэл, худалдаа, олон улсын нийлүүлэлтээрээ өнгөрсөн онд дэлхийд тэргүүлжээ. Тодруулбал, БНХАУ-ын компаниуд өнгөрсөн онд 1.8 тэрбум гар утас, 300 сая компьютер, 200 сая зурагт үйлдвэрлэж, дотоодын болон олон улсын зах зээлд худалдаалсан үзүүлэлтээр олон улсад нэгдүгээрт оржээ. Өнгөрсөн онд урд хөршийн өргөн хэрэглээний цахилгаан бараа буюу гар утас, компьютер, таблет, зурагт, хөгжмийн хэрэгслийн экспортын хэмжээ 294.7 тэрбум ам.долларт хүрч, гадаадын зах зээлд нийлүүлсэн нийт бараа, бүтээгдэхүүн, үйлчилгээний 12 хувийг эзэлсэн талаар тус улсын Аж үйлдвэр, мэдээллийн технологийн яам мэдээлжээ.