Бүх нутгаар багавтар үүлтэй. Хур тунадас орохгүй. Салхи их төлөв баруун өмнөөс секундэд 7-12 метр, зөөлөн шороон шуурга шуурна. Увс нуурын болон Дархадын хотгор, Хүрэн бэлчир, Идэр, Тэс, Буянт голын сав газраар 2 хэм хүйтнээс 3 хэм дулаан, говийн бүс нутгаар 14-19 хэм, бусад нутгаар 9-14 хэм дулаан байна.

УЛААНБААТАР ХОТ: Багавтар үүлтэй. Хур тунадас орохгүй. Салхи баруунаас секундэд 6-11 метр. 10-12 хэм дулаан байна.

Өглөө 05 цагт Улаанбаатарт: 4 хэм хүйтэн, харьцангуй чийг 72 хувь, агаарын даралт 867 гектопаскаль байлаа. Даралт өдөртөө буурна.

2014 оны 3 дугаар сарын 25-наас 2014 оны 3 дугаар сарын 29-нийг хүртэлх
цаг агаарын урьдчилсан төлөв:
 

25-нд баруун зүгийн нутгийн баруун хэсгээр, 26-нд баруун зүгийн нутгаар, 27-нд төв болон говийн нутгаар, 28-нд зүүн зүгийн нутгаар хур тунадас, нойтон цас орно. Салхи 25-нд баруун зүгийн нутгаар, 26-27-нд ихэнх нутгаар түр зуур секундэд 16 метр хүрч ширүүсч шороон болон цасан шуурга шуурна. 26-наас нутгийн хойд хэсгээр цаашдаа ихэнх нутгаар сэрүүсч Увс нуурын болон Дархадын хотгор, Хүрэн бэлчир, Идэр, Тэс, Буянт голын сав газраар шөнөдөө 18-23 хэм, өдөртөө 3-8 хэм хүйтэн, говийн бүс нутгийн өмнөд хэсгээр шөнөдөө 0-5 хэм, өдөртөө 10-15 хэм дулаан, бусад нутгаар шөнөдөө 3-8 хэм хүйтэн, өдөртөө 5-10 хэм дулаан байна.