Манай улсад сүүлийн жилүүдэд нурууны өвчлөлтэй хүмүүс нэмэгдэх болсон. Нурууны өвчлөл нь хөдөлгөөний хомсдол, шүд, хоолойн өвчнийг дутуу эмчлэх зэрэг олон шалтгааны улмаас үүсдэг байна.

Түүнчлэн хамгийн чухал шалтгаан нь бага насны хүүхдүүдэд хэтэрхий хүнд цүнх үүрүүлэх явдал юм. Бага ангийн сурагчдын хичээлийн цүнх хэт хүнд байгаа нь тэдний нурууг бага багаар гэмтээдэг гэдгийг Уламжлалт анагаахын шинжлэх ухаан технологи үйлдвэрлэлийн корпорацийн эмнэлгийн тасгийн эрхлэгч, Анагаах ухааны магистр, зөвлөх эмч, клиникийн профессор С.Оюунбилэг анхааруулж байна.