Шууд Chart

Өнөөдөр гарын эрүүл ахуйн дэлхийн өдөр

2021-05-05 14:09:05

Хэдхэн хором амь насыг аварна-цэвэр гар!

Гарын эрүүл ахуйн дэлхийн өдрийг 2009 оноос “Цэвэр гар амь насыг аварна” уриатайгаар жил бүрийн 5 дугаар сарын 5-нд гарын эрүүл ахуйг сайжруулахын ач холбогдлыг сурталчлах зорилгоор тэмдэглэж ирсэн.

ДЭМБ-аас 2021 онд уг өдрийг тохиолдуулан эрүүл мэндийн байгууллагууд, эрүүл мэндийн ажилтнуудад тусламж үйлчилгээ үзүүлж байгаа үед гарын эрүүл ахуйг чанд сахихыг уриалж байна.

Эрүүл мэндийн тусламж үйлчилгээ үзүүлэх явцад халдварын тархалтаас урьдчилан сэргийлэхийн тулд гарын эрүүл ахуйг шаардлагатай үед (5 тохиолдолд), хамгийн үр дүнтэй аргаар (байгаа боломжоо ашиглан зөв техникээр) сахих хэрэгтэй. Үүнийг ДЭМБ-ын гарын эрүүл ахуйг сайжруулах олон талт стратегийг ашиглан хэрэгжүүлж болно.

Гарын эрүүл ахуйг зөв сахих нь халдварын тархалтыг зогсоох хамгийн үр дүнтэй арга хэмжээ болохыг шинжлэх ухаан баталсаар байна. Гарын эрүүл ахуйг зөв сахих нь эрүүл мэндийн тусламж үйлчилгээ үзүүлэх явцад гарч болзошгүй халдвар, түүний дотор эрүүл мэндийн ажилтан халдвар авахаас 50 хувь хүртэл сэргийлнэ.

ДЭМБ-ын гарын эрүүл ахуйг сайжруулах олон талт стратегийг хэрэгжүүлснээр гарын эрүүл ахуйн гол үзүүлэлтүүд мэдэгдэхүйц сайжирч, эрүүл мэндийн тусламж үйлчилгээтэй холбоотой халдварууд болон нянгийн тэсвэржилт буурч, халдварын дэгдэлтийг зогсооход ихээхэн хувь нэмэр оруулдаг нь батлагдсан. https://apps.who.int/iris/handle/10665/70030 

- Гарын эрүүл ахуйг зохих ёсоор сахих нь эрүүл мэндийн ажилтнуудын дунд COVID-19-ийг үүсгэгч SARS-CoV-2вирусын халдварын эрсдэлийг бууруулна.

- Гарын эрүүл ахуйг сайжруулахад хөрөнгө оруулах нь эдийн засгийн ашиг тустай. Хийсэн хөрөнгө оруулалтаасаа 16 дахин их хэмжээгээр эдийн засгийн хэмнэлт гаргах боломжтой.

Гарын эрүүл ахуйг сахих дүрэм, зааврыг мөрдөж байгаа байдлыг эрүүл мэндийн байгууллагуудын халдварын сэргийлэлт, хяналтын гүйцэтгэл, түүний хяналт, үйлчлүүлэгчийн аюулгүй байдал, эрүүл мэндийн тусламж үйлчилгээний чанарын үндсэн үзүүлэлтийн нэг болгохыг зөвлөж байна.

ДЭМБ-ын Монгол Улс дахь Суурин төлөөлөгчийн газар

 


Өнөөдөр гарын эрүүл ахуйн дэлхийн өдөр  
Үзсэн: 380 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй