Шууд Chart

Өнөөдөр Сөүл-Улаанбаатар чиглэлийн нислэгээр 257 зорчигч ирлээ

2021-09-16 17:31:59

Сөүл-Улаанбаатар чиглэлийн КЕ8867 рейсийн агаарын хөлөг өнөөдөр 10:40 цагт "Чингис хаан" олон улсын нисэх буудалд газардлаа.

Тус нислэгээр нийт 257 зорчигч 6913 кг тээштэй буусан байна. Нислэгээр ирсэн иргэдээс коронавируст халдвар /Ковид-19/-ын эсрэг вакцины бүрэн тун хийлгээд 14 хоносон 226, тусаад эдгэсэн 1, дагаж явсан хүүхэд 8, нийт 236 зорчигчийг энгийн горимоор хил нэвтрүүлж, гэрийн ажиглалтад шилжүүлж, 21 зорчигчийг "Кемпински", “Новотел", “Туушин", “Би Жи" зочид буудалд тусгаарлан ажиглалтад шилжүүллээ.

Түүнчлэн 232 зорчигчоос ХӨСҮТ-ийн 9 хүний бүрэлдэхүүнтэй баг PCR шинжилгээ авсан байна гэж УОК-ын Шуурхай штабаас мэдээллээ.


Өнөөдөр Сөүл-Улаанбаатар чиглэлийн нислэгээр 257 зорчигч ирлээ  
Үзсэн: 371 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй