Шууд Chart

Монгол Улсыг төлөөлөн "Дэлхийн шилдэг"-т саналаа өглөө

2021-11-29 16:45:49

ОУХБХ /FIFA/-ны оны шилдгүүдийг шалгаруулах "FIFA BEST" шагнал гардуулах ёслолын ажиллагаанд гишүүн холбоодын эрэгтэй болон эмэгтэй шигшээ багийн ахлах дасгалжуулагч болон ахлагч нар саналаа өгдөг билээ. Өнгөрсөн жилээс эхлэн ОУХБХ-ноос тусгайлан гаргасан гар утасны аппликейшнаар санал өгч эхэлсэн.

Тэгвэл Монголын Эрэгтэй Үндэсний шигшээ багийн ахлах дасгалжуулагч Масэ Шүичи болон багийн ахлагч Х.Цэнд-Аюуш, эмэгтэйчүүдийн үндэсний шигшээ багийн ахлах дасгалжуулагч Э.Эрдэнэбат, багийн дэд ахлагч А.Алтантуяа нар оны шилдэг хаалгач, тоглогч болон дасгалжуулагч нарт тус бүр гурван хүнд саналаа өглөө.

Тус “FIFA BEST” шагнал гардуулах ёслолын үйл ажиллагаа цахим хэлбэрээр ирэх 2022 оны нэгдүгээр сарын 17-нд болох юм.

Нийтэлсэн: У.Баярсайхан

Монгол Улсыг төлөөлөн "Дэлхийн шилдэг"-т саналаа өглөө  
Үзсэн: 534 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй