Шууд Chart

“Монголын инновацын долоо хоног-2022” эхэллээ

2022-05-16 19:39:11

Дэлхийн олон оронд тогтмол зохион байгуулагддаг "Инновацын 7 хоног" арга хэмжээг манай улс 9 дэх жилдээ зохион байгуулж байна. Арга хэмжээ 05 дугаар сарын 22-ныг дуустал явагдана.

Энэ жилийн арга хэмжээ “Шинэ сэргэлтийн нээлттэй инновац” уриан дор Монгол Улсын нийгэм-эдийн засгийн бүхий л хүрээнд инновацын талаарх ойлголт, мэдлэг, соёлыг түгээх, дамжуулах, бүтээлч сэтгэлгээг төлөвшүүлж, олон талт түншлэлийг өргөжүүлэх, чадавхыг бүрдүүлэх замаар тогтолцоог бэхжүүлэхэд чиглэж байна.

Дэлхийн оюуны өмчийн байгууллагаас эрхлэн гаргадаг Дэлхийн инновацын индексээр  Монгол Улс 58-р байрт эрэмбэлэгджээ.

Зорилтот долоо хоногийн хүрээнд:

- “Шинэ сэргэлтийн инновац-2022” үзэсгэлэн,

- “Соёлын бүтээлч үйлдвэрлэл” онол практикийн бага хурал,

- “Инновацын түншлэл” хэлэлцүүлэг,

- ”Best Paper Awards-2022” Залуу судлаачдын эрдэм шинжилгээний хурал,

- ”Гавал толгой” Оюутны инновацын шилдэг бүтээл шалгаруулах арга хэмжээ,

- “Эрдэм Хакатон”

- “Инновацлаг ЖДҮ” зэрэг арга хэмжээ болно гэж Боловсрол, шинжлэх ухааны яамнаас мэдээллээ.


“Монголын инновацын долоо хоног-2022” эхэллээ  
Үзсэн: 441 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй