“Их Долоо”-гийн бүлгийн орнуудын сангийн сайд нар Германд хийж байгаа уулзалтынхаа эхний өдрийн хэлэлцээгээр Украинд довтолсон ОХУ-ын эсрэг эдийн засгийн хориг тогтоох замаар үзүүлэх шахалтаа нэмэгдүүлэх тохиролцоонд хүрчээ. Украинд үзүүлэх нэмэлт тусламжийн асуудлыг мөн хэлэлцсэн байна.

Сайд нар түүнчлэн, хүнсний хангамжид тасалдал үүсч, нефть болон бусад түүхий эдийн үнэ ханш өсч байгаагаас шалтгаалан дэлхийн эдийн засагт учирч болзошгүй хүндрэлийг даван туулахын төлөө хамтдаа зүтгэхээ илэрхийлжээ.

Японы сангийн сайд Шуничи Сузуки Украин улсад бүх талын дэмжлэг туслалцаа шаардлагатай байгааг уулзалтын үеэр тэмдэглэсэн байна. Дэлхийн банктай хамтарсан санхүүжилтийн хэмжээгээ 300 саяас 600 сая болгож, хоёр дахин нэмэгдүүлэхээр амлалт өгсөн тухайгаа тэр мөн дурджээ. Их Долоогийн бүлгийн сайд нарын уулзалтад оролцогчид өнөөдөр уулзалт хэлэлцээнийхээ төгсгөлд хамтарсан мэдэгдэл батлахаар зэхэж байгаа аж.