Шууд Chart

Сүхбаатар аймгийн ИТХ-ын төлөөлөгчид чадавхыг бэхжүүлэх сургалтад хамрагдлаа

2022-05-24 12:44:39

Сүхбаатар аймгийн ИТХ-ын төлөөлөгчдийн чадавхыг бэхжүүлэх сургалтыг өнөөдөр нийслэлд  зохион байгууллаа. Сүхбаатар аймгийн ИТХ нь 33  төлөөлөгчөөс бүрдэх бөгөөд өнөөдрийн сургалтад 25 төлөөлөгч оролцлоо.Сургалтыг нийслэлийн ИТХ-ын Ж.Батбаясгалан нээж үг хэлэв. Тэрбээр Үндсэн хуулийн нэмэлт, өөрчлөлтийн хүрээнд дагаж өөрчлөгдсөн хуулиудын талаарх мэдээлэл, Засаг захиргаа, нутаг дэвсгэрийн нэгж түүний удирдлагын тухай хууль, Монгол Улсын нийслэл Улаанбаатар хотын эрх зүйн байдлын тухай хуулийн шинэчлэл, Гэмт хэрэг, зөрчлөөс урьдчилан сэргийлэх тухай хуулийн хэрэгжилтийн талаарх мэдээллийг өглөө. 

Сургалтын эхэнд Хууль зүйн үндэсний хүрээлэнгийн эрдэмтэн, нарийн бичгийн дарга С.Сүхбаатар Монгол Улсын засаг захиргаа, нутаг дэвсгэрийн нэгж, түүний удирдлагын тухай хуулийн дэлгэрэнгүй  танилцуулгыг хийв. Мөн сургалтаар “Монгол Улсын хөгжлийн бодлого, Алсын хараа 2050” зорилтыг танилцуулж, Цахимын багц хуулийн шинэчлэл, хэрэглээний талаарх мэдээлэл өгсөн юм. 


Сүхбаатар аймгийн ИТХ-ын төлөөлөгчид чадавхыг бэхжүүлэх сургалтад хамрагдлаа  
Үзсэн: 201 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй