Үндэсний телевиз
Цагийн хүрд
Найм арваннэг
ИБУИНХУ-ын Хатан хаан II Элизабетийн хаан ширээнд суусны 70 жилийн ойг тэмдэглэх дөрвөн өдөр үргэлжилсэн цуврал арга хэмжээний ёслол өндөрлөлөө. Ёслолын сүүлийн өдөр Хатан хаан өөрийн биеэр цугласан олонтой мэндчилжээ.
Өдгөө 96 настай Хатан хаан ням гарагт Лондонд болсон парадын төгсгөлд Букингемийн ордны тагтан дээрээс цугласан олон руу инээмсэглэн гараа даллан мэндчилжээ. Их Британийн нийслэлийн гудамж талбайг дүүргэсэн парадад цэргийн хамтлаг, өнгө өнгийн хувцастай бүжигчид зэрэг 10 мянга орчим хүн оролцсон байна.
Хатан хаан эрүүл мэндийн байдлаас шалтгаалан, Платинум ойн арга хэмжээний цөөн тооны хэсэгт л оролцсон юм.
Хатан хаан Платинум ойн баярыг хуваалцаж, тэмдэглэхээр цугласан олныг хараад баярлаж, сэтгэл хөдөлж байгаагаа илэрхийлэн, "Би арга хэмжээ болгонд биечлэн оролцоогүй ч гэсэн миний зүрх сэтгэл та нартай хамт байсан" гэж парадын дараа хийсэн мэдэгдлээр дамжуулан сэтгэгдлээ хуваалцсан байна.
| Платинум ойн арга хэмжээний сүүлийн өдөр Хатан хаан Элизабет цугласан олонтой мэндчилэв | ||
| Үзсэн: 463 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.