Украйны нийслэл Киев хотод, дайн энгийн иргэдийн амьдралд хэрхэн нөлөөлснийг харуулах дайны эд зүйлсийг дэлгэсэн үзэсгэлэн нээгджээ. Үзэсгэлэнд олзны тээврийн хэрэгсэл, пуужингийн үлдэгдлээс эхлээд Оросын цэргүүдийн өмсөж байгаад орхисон гэрийн шаахай, шүдний сойз, шатаагч утас зэрэг эд зүйл Украины үндэсний түүхийн музейд тавигджээ.
"Энэхүү үзэсгэлэнгийн гол зорилго нь жинхэнэ олдворуудын тусламжтайгаар хүмүүсийн “дайны үеийн” талаарх мэдлэгийг дээшлүүлэх явдал юм" Музейн танин мэдэхүйн хэлтсийн дарга Дмитрий Хайнетдинов “Ассошиэйтед Пресс”-д мэдээлсэн байна.
Үзэсгэлэнд тавигдсан баримт бичгүүд дунд, Оросын арми ирэхийг хүлээж байсан хорлон сүйтгэх бүлэглэлийн ашигласан газрын зураг байсан гэж музейн дарга тайлбарлаж байна. Газрын зургийг Украины армийн цэргийн дарга Валерий Залужный музейд бэлэглэжээ.
Цаашлаад, тус музей нь Киевийн оршин суугчдад байлдааны бүс дэх тэсрэх бөмбөгнөөс хоргодох газрууд ямар байж болохыг үзүүлэх үүднээс хонгилын талбайгаа ашиглаж, газар доорх орон зайд хэрхэн орогнол үүсгэх заавар зөвлөмж үзүүлжээ.
Дайны үеийн эд зүйлсийг харуулсан үзэсгэлэн Киевт нээгджээ | ||
Үзсэн: 312 | Mongolian National Broadcaster |
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.