Шууд Chart

Их Британичууд цалингаа нэмэгдүүлэхийг шаардлаа

2022-06-20 11:12:17

Украины нөхцөл байдлаас шалтгаалан инфляц сүүлийн 40 жил байгаагүйгээр нэмэгдсэн Лондонд ажил эрхлэгчид цалингаа нэмэгдүүлэхийг шаардаж жагслаа.

Жагсаалыг Үйлдвэрчний эвлэлийн байгууллагууд нэгдэн зохион байгуулжээ. Их Британи улсад хэрэглээний үнийн индекс энэ оны дөрөвдүгээр сар хүртэлх 12 сарын хугацаанд 9 хувиар өссөн нь сүүлийн 40 орчим жилийн хамгийн өндөр үзүүлэлт юм. Бензин шатахуун, хүнсний бүтээгдэхүүний үнэ огцом нэмэгдсэн нь инфляц өсөхөд нөлөөлсөн байна.

Амьжиргааны өртөг ингэж эрс өссөөр байхад цалин хөлс нэмэгдэхгүй байгаа учраас бид жагсаж байна гэж эсэргүүцэлд оролцогчид ярьж байна. Тэд “Цалин хөлсийг зохих хэмжээгээр нэмэгдүүлэхийг” шаардаж байгаа юм.

Зарим хэсэг нь Ерөнхий сайд Борис Жонсоныг инфляцийн эсрэг хангалттай зүйл хийхгүй байна гэж буруутган огцрохыг уриалжээ.

Жагсаалд оролцогчдын нэгэн төлөөлөл “Инфляц өсөхтэй зэрэгцэн цалин нэмэгдэх ёстой. Тэгж байж ард түмний амьдрал зөв зохистой голдиролд орно” гэж ярьж байна. 

Нийтэлсэн: Moнголын мэдээ

Их Британичууд цалингаа нэмэгдүүлэхийг шаардлаа   
Үзсэн: 101 Mongolian National Broadcaster  

Анхааруулга:

Та одоогоор сэтгэгдэл үлдээх боломжгүй байна.
MNB.mn сайтын редакц
Утас: 70127055

Бидэнтэй нэгдээрэй