АНУ-ын Төлөөлөгчдийн танхимын дарга Нэнси Пелосид Тайваньд айлчлах төлөвлөгөөгөө цуцлахыг сануулсны дараа Хятад улс Тайванийн эсрэг талын эргийн ойролцоо цэргийн сургуулилт хийсэн гэж албан ёсны Синьхуа агентлаг мэдээллээ.

Тодруулбал, Хятадын Ардын чөлөөлөх арми бямба гарагийн өглөөний 8:00-21:00 цагийн хооронд Фужиан мужийн ойролцоох Пинтан арлуудын ойролцоо “галын сургуулилт” хийсэн гэж албан ёсны Синьхуа агентлаг мэдээллээ. Мөн далайн аюулгүй байдлын алба хөлөг онгоцнуудыг бүсээс зайлсхийхийг анхааруулсан байна. Ийм төрлийн сургуулилт нь ихэвчлэн их буу ашигладаг.

Нэгхэн өгүүлбэрээс бүрдсэн мэдэгдэлд сургуулилтад пуужин, сөнөөгч онгоц болон бусад зэвсэг багтах эсэх талаар ямар ч мэдээлэл өгөөгүй байна. Конгрессын Төлөөлөгчдийн танхимын дарга Нэнси Пелоси Тайвань руу явах эсэх нь хараахан батлагдаагүй байна.

Хэрэв тэрбээр Тайваньд айлчилбал 1997 оноос хойш тус улсад айлчлах Америкийн дээд албан тушаалтан болох юм. БНХАУ-ын дарга Ши Жиньпин пүрэв гарагт АНУ-ын Ерөнхийлөгч Жозеф Байдентай утсаар ярихдаа тус аралтай Бээжингийн харилцаанд “гаднаас хөндлөнгөөс оролцох”-оос сэрэмжлүүлж, галаар тоглохгүй байхыг анхааруулсан юм.