Үндэсний телевиз
Цагийн хүрд
Найм арваннэг
АНУ-ын Конгрессын Төлөөлөгчдийн танхимын дарга Нэнси Пелоси Ази тивийн орнуудаар айлчлал хийхээр төлөвлөж байгаа ч, Тайваньд хийх айлчлалын талаар маргаантай хэвээр байна.
Түүний айлчлал баасан гарагт эхэлсэн бөгөөд Япон, Өмнөд Солонгос зэрэг орнуудад очихоор төлөвлөжээ. NBC телевиз Пүрэв гарагийн үдээс хойш түүний аяллын хөтөлбөрт Тайванийг "урьдчилсан" жагсаалтад оруулсан гэж эх сурвалжаас иш татан мэдээлжээ.
АНУ-ын танхимын спикер нь Цагаан ордны эрх мэдлийн шатлалын гуравдугаарт бичигддэг. Пелоси баасан гарагт болсон хэвлэлийн бага хурлын үеэр аюулгүй байдлын үүднээс аяллын төлөвлөгөөгөө дэлгэрэнгүй танилцуулахаас татгалзсан юм.
Үүнээс өмнө БНХАУ-ын дарга Ши Жиньпин, АНУ-ын ерөнхийлөгч Жозеф Байден нар пүрэв гарагт 2 улсын харилцаа, Украины байдал, Тайванийг тойрсон асуудал болон бусад асуудлын талаар утсаар хэлэлцсэн. Энэ үеэр хэрэв АНУ-ын төлөөлөгчид Тайваньд айлчлах юм бол "хүчтэй хариу арга хэмжээ авна" гэж БНХАУ-ын дарга анхааруулсан юм.
| Пелоси Азид айлчлах ч Тайваньд очих эсэх нь тодорхойгүй байна | ||
| Үзсэн: 408 | Mongolian National Broadcaster |
М.Золзаяа
О.Шинэтуяа
У.Баярсайхан
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.