“Азийн хүүхдүүд-2022” олон улсын спортын наадам долоодугаар сарын 28-наас наймдугаар сарын 8-нд ОХУ-ын Владивосток хотод боллоо. Энэ наадамд Ази тивийн 12 орон, ОХУ-ын найм, нийт 21 багийн 1355 тамирчин спортын 19 төрөлд 273 багц медалийн төлөө өрсөлдлөө. Монгол Улсаас Биеийн тамир, спортын улсын хорооны удирдлага, зохион байгуулалтайгаар спортын таван төрөлд 48 хүний бүрэлдэхүүнтэй баг хамт олон оролцжээ. Тухайлбал, тус наадамд Биеийн тамир, спортын улсын хорооны дарга Д.Жаргалсайхан хүндэт зочноор оролцож, Гадаад харилцаа, мэдээлэл технологийн хэлтсийн дарга Н.Оюунбат, мэргэжилтэн Ж.Баасансүрэн, их эмч Э.Жамбалнямбуу нар ажиллажээ. Ийн Монголын тамирчид жүдо (1 мөнгө, 2 хүрэл) , самбо ( 2 хүрэл) кураш ( 1 алт, 1 мөнгө, 1 хүрэл) масрестлинг ( 3 хүрэл) медаль буюу нэг алт, хоёр мөнгө, найман хүрэл медаль гээд нийт 11 медаль хүртэж тус наадмын нэгдсэн дүнгээр 12 дугаар байр эзэллээ. “Азийн хүүхдүүд” олон улсын спортын VIII наадам 2024 онд ОХУ-ын Якутын Саха хотод болно.

“Азийн хүүхдүүд-2022” олон улсын спортын наадмаас

Кураш бөх

Б.Батхүү 60 кг - алтан медаль

У.Өсөх-Ирээдүй 50 кг- мөнгөн медаль

М.Нандин-Эрдэнэ 57 кг - хүрэл медаль

Жүдо бөх

Ш.Чилүгэн 46 кг - мөнгөн медаль

Л.Амар-Энх 70 кг - хүрэл медаль

Ч.Төгөлдөр 50 кг - хүрэл медаль

Самбо

О.Нандин-Эрдэнэ 47 кг - хүрэл медаль

Б.Чинхүслэн 49 кг - хүрэл медаль

Масрестлинг

Г.Эрдэнэхатан 60 кг - хүрэл медаль

О.Жавхлан 70 кг - хүрэл медаль

С.Заяа 80 кг - хүрэл медаль хүртэв.

Мөн усанд сэлэлтийн төрөлд өрсөлдсөн Н.Хишигбаяр спортын дэд мастерын болзол хангажээ.