Энэтхэг-Номхон далайн бүс дэх шинэ санаачилгын хүрээнд Япон, АНУ тэргүүтэй 14 орны сайд нар ирэх пүрэв гарагт анхны нүүр тулсан уулзалтаа хийхээр болжээ. Сайд нарын хоёр өдрийн хэлэлцээ Лос-Анжелес хотод болох юм байна.

Тодруулбал, Энэтхэг-Номхон далайн бүс дэх Хятадын нөлөө тэлж байгаа үед Вашингтон дээрх эдийн засгийн стратегийн санаачилгыг дэвшүүлсэн юм. Мөн Энэтхэг, Австрали улсуудыг эгнээндээ багтаасан энэ санаачилгад нэгдсэн орнуудын албан яриа хэлэлцээний эхлэлийг одоо болох уулзалт тавих учиртай байна.

Сайд нар худалдаа, хангамж нийлүүлэлтийн сүлжээний тогтвортой байдал, цэвэр эрчим хүч болон татвар, авлигатай тэмцэх гэсэн дөрвөн тулгуур асуудлаар мэдэгдэл боловсруулах аж. Тэд мөн дижитал технологи ашиглалт, чухал барааны нийлүүлэлтийн сүлжээ доголдох нөхцөлд хамтран ажиллах арга замууд зэрэг өндөр стандартын худалдааны журмын талаар ярилцах бололтой.

Бас нүүрстөрөгчөөс ангид эдийн засгийн хөгжүүлэх, авлигатай тэмцэх арга хэмжээний талаар хэлэлцэх юм. Гишүүн улс бүр эдгээр хэлэлцүүлгийн алинд оролцох оо өөрөө шийдэх боломжтой юм. Тэгэхдээ хамтын ажиллагааны үр нөлөөг дээшлүүлэх үүднээс тэднийг аль болох олон тулгуур асуудлын хэлэлцүүлэгт оролцохыг Япон улс уриалахаар төлөвлөж байгаа юм байна.

Энэтхэг-Номхон далайн эдийн засгийн санаачилгад нэгдсэн орнуудын сайд нар анхны уулзалтаа өнгөрөгч 7 дугаар сард цахимаар хийж байжээ.