Япон улс хөгжиж буй болон бусад улс орнуудын байгаль хамгаалах санаачилгад туслах зорилгоор гурван жилийн хугацаанд 117 тэрбум иен буюу 850 орчим сая америк долларын санхүүгийн тусламж үзүүлэхээ мэдэгдлээ.

Канадын Монреаль хотноо пүрэв гарагт болсон НҮБ-ын биологийн олон янз байдлын "COP 15" бага хурлын үеэр тус мэдэгдлийг хийсэн юм.

Японы Байгаль орчны сайд Нишимура Акихиро, НҮБ-ын биологийн олон янз байдлын 15-р бага хурлын хүрээнд сайд нарын түвшний хуралдаанд Япон улс биологийн төрөл зүйлийг хамгаалахад 850 сая америк долларын санхүүгийн дэмжлэг үзүүлэх амлалт өгсөн байна.

Хуралд оролцогчид 2030 он гэхэд дэлхийн хуурай газар, далай тэнгисийн 30-аас доошгүй хувийг хамгаалах “30-аас 30” гэж нэрлэгддэг амлалтын төслийг зөвшилцөж чадах эсэх нь чуулганы хэлэлцээний гол сэдэв юм.

Хуралд оролцож буй 190 орчим улс орон, нутаг дэвсгэрийн 100 гаруй төлөөлөгч энэ зорилтыг зөвшөөрч байгаагаа илэрхийлсэн гэж эх сурвалжууд мэдээлж байна.

Гэвч хөгжиж буй орнууд санхүүгийн тусламжийг нэмэгдүүлэхийг уриалж байна.