Кремлиэс Вашингтонд хандан "Пэтриот" пуужингийн систем болон Украины цэргийг сургаж байгаа АНУ-ын мэргэжилтнүүд нь ОХУ-ын хувьд хууль ёсны бай болно гэж анхааруулсны дараа АНУ-ын Төрийн департаментаас хариу мэдэгдэл хийлээ. Төрийн департаментын хэвлэлийн төлөөлөгч "ОХУ-ын тус мэдэгдлийг өдөөн хатгалгын шинжтэй гэж үзэж байгаагаа сэтгүүлчдэд мэдэгджээ.

Төрийн департаментын хэвлэлийн төлөөлөгчийн орлогч Ведант Пател, "Энэ бүх хямрал мөргөлдөөний явцад дан өдөөн хатгалга үйлдэж байгаа тал бол ОХУ" гэж хэлээд дайн хямрал үргэлжилсэн есөн сарын хугацаанд ОХУ Украины эрчим хүчний дэд бүтэцтэй холбоотой 200 гаруй объектод цохилт өгч, өвлийн улиралд Украины энгийн иргэдийг даарч хөрөх, өлсгөлөнд нэрвэгдэх, гэр орноосоо дайжих аюулд өртүүлж байгааг онцолжээ.

Ведант Пател, АНУ-ын төрийн департаментын хэвлэлийн төлөөлөгч: АНУ одоо болон өнгөрсөнд ОХУ-тай хэзээ ч дайтаж байгаагүй гэдгийг сануулах нь миний хувьд чухал байна. Үүнийг мартах учиргүй. Гэхдээ хэрэв ОХУ Украин руу довтолбол бид аюулгүй байдлын тусламж үзүүлж, Украинд өөрийгөө хамгаалж, нутаг дэвсгэрийн бүрэн бүтэн байдал, бүрэн эрхт байдлаа хамгаалахад нь туслах болно гэж ОХУ-ын Ерөнхийлөгч Путинд

Сүүлийн саруудад Орос улс байлдааны талбарт амссан хохирлоо нөхөхийн тулд 300 мянган нөөц цэрэг татсан. Мөн Тэдний тал хувь нь фронтын шугамаас зайдуу цэргийн дадлага сургуулилтад хамрагдаж байна гэж ОХУ-ын ерөнхийлөгч Путин өнгөрсөн долоо хоногт мэдэгдсэн. Түүнчлэн баасан гарагт Оросын арми Украины хэд хэдэн хот руу пуужингаар довтлон эрчим хүчний системийг ихээхэн хэмжээгээр доголдуулсан гэж Украины албаныхан мэдэгдсэн байна. Энэ цохилт нь Киев, Харьков, Кривой Рог, Запорожя зэрэг хотуудын чухал дэд бүтцийг онилж 3 хүн амиа алдаж, 13 хүн эмнэлэгт хүргэгдсэн гэж эх сурвалжууд мэдээлжээ.