Шинэ Зеландад өнөөдөр дахин их хэмжээний хур тунадас орсны улмаас үерийн аюул нүүрлэж, Окланд, Нортланд зэрэг газруудад онц байдал зарласан байна. Ширүүн бороо үргэлжлэн орох төлөвтэй тул сургууль цэцэрлэгийн үйл ажиллагааг хааж, хүмүүсийг гэрээсээ ажиллахыг зөвлөжээ. Өнгөрсөн долоо хоногт мөн Шинэ Зеландад урьд өмнө тохиож байгаагүй их хэмжээний бороо орж салхилсны улмаас 4 хүн амь эрсэдсэн мэдээлэл ирсэн юм. Шинэ Зеландын хамгийн том хот болох Окландын оршин суугчдыг Мягмар гарагт дахин үер болох эрсдэл өндөр байгааг сэрэмжлүүлэн, бэлэн байхыг анхааруулсан байна.

Мягмар гарагт орж эхэлсэн аадар бороо Лхагва гарагт үргэлжлэн орох төлөвтэй байгааг мөн мэдээлжээ.. MetService-ийн цаг уурч Жоржина Гриффитс мягмар гарагт сэтгүүлчдэд хэлэхдээ, Нортланд болон Окландад "маш хүчтэй бороо орох" эрсдэлтэй байна гэжээ: Тиймээс Нортланд мужид мөн онц байдал зарласан байна. "Энэ бороо гол мөрний орчим аюултай нөхцөл байдал бий болгож, их хэмжээний үер дагуулах төлөвтэй байна. Халтиргаа гулгаа, үерийн усны аюу нь зорчих хөдөлгөөнийг саатуулж, зарим замыг хаахад хүргэж, олон нийтийн хөдөлгөөнийг саатуулах магадлалтай" гэж Окландын Онцгой байдлын удирдлагын хянагч Рэйчел Келлехер сэтгүүлчдэд мэдээлжээ. Онцгой байдлын албаныхны мэдээлснээр, багууд үерийн дараа хотын эргэн тойрон дахь барилгуудыг шалгаж, 200 орчим газар улаан өнгийн наалт наасан нь ороход хэтэрхий аюултайг илтгэж байгаа юм байна.

Окленд хотын дарга Уэйн Браун хэлэхдээ, аль хэдийн усанд автаад байгаа зарим газарт 12 сантиметр ус тогтох төлөвтэй байна гэжээ. Өнгөрсөн долоо хоногийн Баасан гарагт дэлхийн бөмбөрцгийн өмнөд хагасыг бүхэлд нь хамарсан усархаг бороо мөн ганцхан өдрийн дотор тус бүс нутагт онц байдал зарлах хэмжээний аюул дагуулсан юм. энэ үеэр 3 цагийн дотор 15 гаруй см ус тогтож хамгийн багадаа 5 мянган байшин, аж ахуйн нэгжид үер, хөрсний нуралт үүссэн нь үнэлгээгээр тогтоогдож, мөн хэд хэдэн замыг хаасан хэвээр байгаа юм.