Франц, Австралийн батлан хамгаалахын сайд нар Парист уулзлаанөдийн орнуудыг хүнд зэвсэглэл илгээхийг уриалж байгаа энэ цаг үед олон улсаас амлаж буй томоохон хэмжээний тусламжийн нэгд тооцогдож байна. Австралийн Батлан хамгаалахын сайд Ричард Марлес, Францын Батлан хамгаалахын сайд Себастьян Лекорну нар хамтарсан мэдэгдэл хийсэн нь мөн дээрх улсууд шумбагч онгоцны маргаантай асуудлаа шийдвэрлэсний дохио болж байна гэж хэвлэлүүд онцолжээ.

Австрали улс 2021 онд Францын ердийн шумбагч онгоцны 60 тэрбум ам.долларын гэрээг нууцаар цуцалж, оронд нь АНУ, Их Британитай хийсэн цөмийн хөдөлгүүртэй шумбагч онгоцны хэлэлцээрийг дэмжсэн нь Франц-Австралийн харилцаанд ноцтой ан цав үүсгэсэн түүхтэй. 2 улсын батлан хамгаалахын сайд нар Парис хотноо уулзаж хэлэлцэхдээ Украинд их бууны сум үйлдвэрлэх ажлыг Австралийн үйлдвэрлэгчидтэй хамтран Францын "Некстер" үйлдвэр удирдан явуулна гэж тохирсноо зарлалаа.

Францын Батлан хамгаалахын сайд Себастьян Лекорну хэлэхдээ, Франц, Австрали хоёр Украинд туслахын тулд "хэдэн мянган" ширхэг 155 миллиметрийн сум үйлдвэрлэхэд хамтран ажиллахаар тохиролцсон бөгөөд энэ оны эхний улирлаас нийлүүлж эхэлнэ гэж төлөвлөж байгаагаа мэдэгдсэн байна. Зэвсэг хийхэд шаардлагатай түүхий эдийг Австралийн тал нийлүүлж, Францын Nexter үйлдвэрт сумыг үйлдвэрлэх юм байна. энэ сумаар галладаг зэвсэг нь 45 кг орчим жинтэй сумыг 23 км хүртэлх зайд хүртэл галладаг байна.

Украинд олон улсаас зэвсгийн тусламж үзүүлэхээ тасралтгүй илэрхийлж байгаа ч дэвшилтэт технологийн байлдааны онгоц шаардлагатай байгааг Украины тал мэдэгдээд амжсан. Харин энэ тал дээр АНУ-ын ерөнхийлөгч Байден Эф-16 зэрэг сүүлийн үеийн байлдааны онгоцыг нийлүүлэхийг дэмжихгүй гэдгээ илэрхийлсэн байн. Тэрээр Даваа гарагт Мэрилэндээс Цагаан ордонд буцаж ирээд хоёр намын дэд бүтцийн хууль тогтоомжийг талаар мэдээлэх үеэрээ дээрх тайлбарыг хийжээ.