АНУ-ын ерөнхийлөгч Жозеф Байден уламжлал ёсоор конгрессын хоёр танхимын нэгдсэн чуулганд тайлан илтгэлээ танилцууллаа. Засаг захиргааныхаа хэрэгжүүлж байгаа дотоод гадаад бодлого, үйл ажиллагаа, улс орны нийгэм эдийн засгийн байдлыг танилцуулдаг энэхүү илтгэлдээ Байден 12сая ажлын байр шинээр бий болгож, аж үйлдвэрлэлийн гэнэтийн өсөлтийг бий болгож, дэд бүтцээ шинэчлэн байгуулах их ажлыг эхлүүлснээ онцлон танилцуулсан байна.

Америкийн ерөнхийлөгч бүрэн эрхээ хэрэгжүүлснээс хойших хоёр дахь, засгийн сонгуулийн дараах анхны ажлын тайлангаа даагаа конгрессын нэгдсэн чуулганд тавилаа. Гол агуулга инфляцын өсөлтийг сааруулахын тулд эдийн засгийн өсөлтийг дэмжих засаг захиргааных нь бодлогыг урагшлуулахад бүгд найрамдах намын дэмжлэгийг авахад чиглэлээ. Байдены засаг захиргааны эдийн засгийн бодлогын үр дүнд сүүлийн саруудад ажилгүйдэл буурсан, гэхдээ инфляцын өсөлт дорвитой буурахгүй байгаа.

Дэд бүтцээ сэргээн засаж, шинээр нэмэгдүүлэх чиглэлд Байдены санаачилсан төсөл хөтөлбөр эерэг үр дүнгээ өгч байна, инновац, судалгааны чиглэлд хөрөнгө оруулалтыг нэмэгдүүлсэн нь эерэг дүнтэй, аж ахуй нэгжүүд татварыг ижил үүрэлцдэг байх зарчим бол үр дүнтэй гэдгийг ч цагаан ордны тэргүүн онцоллоо. Америкийн нийгэмд сүүлийн үед ихээхэн түгшүүр, төвөгтэй байдлыг бий болгож байгаа галт зэвсгийн хяналтыг чангатгах чиглэлд үйл ажиллагаа нь үр дүнтэй байгааг тэмдэглэлээ.

Гадаад бодлогын талд дээр Украиныг Оросын армийг улс орноосоо гаргахад нь шаардлагатай туламжийг өгч байна. дайн эхэлснээс хойш АНУ Украинд 30тэрбум ам долларын аюулгүй байдлын тусламж үзүүлсэн. Цаашид ч Украиныг дайнд ялахад нь үргэлжлүүлэн дэмжинэ гэдгээ илтгэсэн нь хоёр танхимын гишүүдээс халуун алга ташилт хүлээж авлаа. Харин Хятадын эдийн засаг болон цэрэг армийн өргөжин тэлэлтийн эсрэг АНУ өөрийн эрх ашгийг хамгаална гэдгийг онцоллоо.