Энэ сарын 4,5-нд эхлэх Хятадын хоёр хурал гэгддэг Бүх хятадын ардын төлөөлөгчдийн их хурлын 14 дэх сонгуулийн анхдугаар чуулган, улс төрөөр зөвлөлдөх зөвлөлийн хурлаар батлах хоёр чухал асуудлыг Коммунист намын төв хороо хэлэлцлээ. Төв хороо намын удирдах дээд албан тушаалд нэр дэвшигчдийн жагсаалтыг эцэслэн баталж, Нам болон төрийн байгууллагуудад хийх шинэчлэлтийн төлөвлөгөөний төслийг Бүх Хятадын ардын төлөөлөгчдийн их хурлаар хэлэлцэн батлуулахаар болсон байна.

Хятадын Коммунист намын улс төрийн товчооны байнгын хорооны 7 гишүүний гурав нь улирч, 4-ийг нь шинээр сонгосон, улс төрийн товчооны бусад 17 гишүүний 13-ийг нь шинээр сонгосон. Эдгээр томилгоог ардын их хурлаар батлах юм байна. Хятадын одоогийн дарга Ши Жиньпин өнгөрсөн намрын намын 20-р их хурлаар ХКН-ын ЕНБД аар 3 дахь удаагаа сонгогдсон. Одоо Бүх Хятадын ардын их хурлаар улиран сонгогдсон Ши Жиньпинийг Хятад улсын даргаар батлах төлөвтэй байна. Шинээр сонгогдсон УТТ-ны байнгын хорооны гишүүн Ли Чяныг Төрийн зөвлөлийн ерөнхий сайд буюу хоёрдугаар хүнээр нэрлэгдсэн.

Одоо түүнийг Ли Көчяны албан тушаалд томилно гэсэн хүлээлттэй байна.Ажиглагчид Өнгөрсөн оны намын их хурлыг хүртэл Коммунист намын улс төрийн товчооны байнгын хорооны гишүүн байсан Хан Женийг Хятадын дэд дарга болж магадгүй гэж таамаглаж байна. Хятад улс Эдийн засгийн салбар болон Мужууд руу төвлөрсөн шинэчлэлтийг нам болон төрийн байгууллагуудад тулгуурлан хийхээр төлөвлөж байна. ХКНын төв хорооны төвлөрсөн нэгдмэл удирдлагыг бэхжүүлж, үндэсний засаглалын тогтолцоо, чадавхыг сайжруулахад ийм шинэчлэлт хийх шаардлагатай гэдгийг Хятадын дарга төв хорооны хуралдаан дээр онцолсон байна.